Shymkent qalasynda 1 maýsym – Halyqaralyq balalardy qorǵaý kúnine arnalǵan merekelik is-sharada balalar úiindegi 30 búldirshinniń tusaýy kesildi.
1-3 jas aralyǵyndaǵy balalardyń tusaýyn qala ákimi M.Áitenov, máslihat hatshysy B.Narymbetov, Shymkent qalasynyń qurmetti azamaty Ó.Meldehanov, qalanyń bas imamy Baqdáýlet Nurmatuly, «Túrkistan» saraiynyń direktory S.Maiǵaziev pen qolóner sheberi Bolat Beiisbekov, Opera jáne balet teatrynyń direktory Maira Muhamedqyzy, «Shanshar» ázil-syqaq teatrynyń direktory Ý.Ábdiraiymov, aitysker aqyn A.Leýbaeva syndy elge syily, belgili azamattar kesti.
Tusaýkeser rásiminen soń qatysýshylar balalarǵa aq jol tilep, aq batalaryn berdi.
Balalar kúnine orai uiymdastyrylǵan sharada «Jeti qazyna» atty intellektýaldy oiyn-saýyq uiymdastyryldy. Munda balalar tórt topqa bólinip, «Táýelsizdik» saiabaǵynda kómbege jasyrylǵan 7 qazynany izdeidi.
Al, etnoaýylda «asyq», «teppe», «asaý mástek» oinap, «sadaq atý», «at ertteýden» jarysyp, qazaq handaryna sholý jasap, toǵyzqumalaqtan esep shyǵarýdan saiys ótti. Al, óskeleń qyzdar quraq quraýdan jarysty. Saiys sońynda balalarǵa arnaiy syilyqtar taratyldy.
Ádet-ǵuryp jáne salt-dástúr ortalyǵynyń uiymdastyrýymen ótken merekelik shara kontserttik baǵdarlamamen jalǵasyn tapty.
