Qurylys basqarmasy kelisimshart talaptaryn buzǵany úshin merdigerlerge 12,5 mln teńge aiyppul saldy, dep habarlaidy Dalanews.kz.
Shymkenttegi qurylys salasy qaitadan nazarǵa ilikti. Qalada ondaǵan nysan salynyp jatyr, alaida sonymen birge olqylyqtar da anyqtalyp, olardyń sany ósip keledi. Al keibir kompaniialar naqty qarjylyq jaýapkershilikke tartylyp otyr.
Qurylys basqarmasynda habarlaǵandai, 12,5 mln teńge somasynda aiyppuldar merdigerlerge de, tehnikalyq jáne avtorlyq qadaǵalaý ókilderine de salyndy.
Merdiger uiymdar — 8,4 mln teńge
(jospardan artta qalý jáne jumystyń sapasynyń tómendigi)
TOO «Iýgstroiservis-N», TOO «A.R.T-Qurylys», TOO «AShA»
Tehnikalyq jáne avtorlyq qadaǵalaý — 340 myń teńge
(kelisim-shart sharttaryn durys oryndamaý)
TOO «INSTAT», TOO «Dan-Stroi-Proekt», TOO «AlGarStroi Proekt», TOO «Shańyraq ordasy»
Kepildik merzimi — 3,75 mln teńge
(kepildik mindettemelerdi buzǵany úshin sot sheshimi boiynsha aiyppul)
TOO «Grant master»
— Biyl Shymkentte 110 nysan salý josparlanǵan. Onyń 65-i jyl sońyna deiin paidalanýǵa berilse, qalǵan 45-i kelesi jylǵa qalmaq, — dedi qalalyq qurylys basqarmasynyń basshysy Oljas Tájibaev.
