Shymkent qalalyq máslihatynyń burynǵy depýtaty Qýanysh Dáýletalievke izdeý jariialandy. Bul aqparat quqyqtyq statistika jáne arnaiy esepke alý organdarynyń portalynda jariialandy,- dep habarlaidy Dalanews.kz
Resmi derekke sáikes, Dáýletaliev izdeýde bir kúnnen beri júr. Ol – 48 jasta, Qazaqstan azamaty, ulty qazaq. Izdeý isi 2025 jylǵy 2 qyrkúiekte Shymkentte tirkelgen. Izdeýdi bastaǵan organ – Turan aýdany politsiia basqarmasy, al bastamashysy – sot.
Shymkent máslihatynyń resmi saitynda Dáýletaliev Qýanysh Ámirseiituly depýtat retinde áli de kórsetilgen.
Ashyq derekkózderdegi málimetke sai, ol 1976 jylǵy 2 jeltoqsanda Shymkent qalasynda dúniege kelgen. 1993 jyly №66 jalpy orta mektepti támamdaǵan. Keiin 2010-2014 jyldary aimaqtyq áleýmettik-innovatsiialyq ýniversitettiń zań fakýltetinde bilim alyp, «zańger» mamandyǵyn alǵan.
Eńbek jolynda kásipkerlikpen ainalysqan. 2009-2015 jyldary «Senim-Qurylys» JShS-de kommertsiialyq ister jónindegi direktordyń orynbasary qyzmetin atqarǵan. 2015 jyldan bastap «BOINIS KS» JShS direktorynyń orynbasary bolǵan. Sonymen qatar jeke kásipkerlikpen shuǵyldanǵan.
Qazirgi tańda onyń qaida ekeni belgisiz, istiń mán-jaiy tergeý barysynda anyqtalmaq.
