شىمكەنت قالالىق ءماسليحاتىنىڭ بۇرىنعى دەپۋتاتى قۋانىش داۋلەتالييەۆكە ىزدەۋ جاريالاندى. بۇل اقپارات قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالاندى،- دەپ حابارلايدى Dalanews.kz

رەسمي دەرەككە سايكەس، داۋلەتالييەۆ ىزدەۋدە ءبىر كۇننەن بەرى ءجۇر. ول – 48 جاستا، قازاقستان ازاماتى، ۇلتى قازاق. ىزدەۋ ءىسى 2025 جىلعى 2 قىركۇيەكتە شىمكەنتتە تىركەلگەن. ىزدەۋدى باستاعان ورگان – تۇران اۋدانى پوليسيا باسقارماسى، ال باستاماشىسى – سوت.

شىمكەنت ءماسليحاتىنىڭ رەسمي سايتىندا داۋلەتالييەۆ قۋانىش امىرسەيىت ۇلى دەپۋتات رەتىندە ءالى دە كورسەتىلگەن.

اشىق دەرەككوزدەردەگى مالىمەتكە ساي، ول 1976 جىلعى 2 جەلتوقساندا شىمكەنت قالاسىندا دۇنيەگە كەلگەن. 1993 جىلى №66 جالپى ورتا مەكتەپتى ءتامامداعان. كەيىن 2010-2014 جىلدارى ايماقتىق الەۋمەتتىك-يننوۆاسيالىق ۋنيۆەرسيتەتتىڭ زاڭ فاكۋلتەتىندە ءبىلىم الىپ، «زاڭگەر» ماماندىعىن العان.

ەڭبەك جولىندا كاسىپكەرلىكپەن اينالىسقان. 2009-2015 جىلدارى «سەنىم-قۇرىلىس» جشس-دە كوممەرسيالىق ىستەر جونىندەگى ديرەكتوردىڭ ورىنباسارى قىزمەتىن اتقارعان. 2015 جىلدان باستاپ «بوينيس كس» ج ش س ديرەكتورىنىڭ ورىنباسارى بولعان. سونىمەن قاتار جەكە كاسىپكەرلىكپەن شۇعىلدانعان.

قازىرگى تاڭدا ونىڭ قايدا ەكەنى بەلگىسىز، ءىستىڭ ءمان-جايى تەرگەۋ بارىسىندا انىقتالماق.