Shymkentte jańa ippodrom qurylysy bastalady
Shymkent qalasy Bozaryq turǵyn alabynda zamanaýi standartqa sai jańa ippodrom kesheni boi kóteredi. Qalanyń bas josparyna sáikes Báidibek bi dańǵylynda ornalasqan qazirgi ippodrom jańa orynǵa kóshiriledi.
Qazirgi tańda nysannyń jobalyq-smetalyq qujattamasy ázirlený ústinde. Jańa ippodrom qurylysyna 24 gektar jer telimi bólinbekshi.
Jobaǵa sáikes jańa nysanda – jyly jabyny bar jasandy júgirý joly, jattyǵý alańy, at sporty boiynsha jarystar ótkizýge arnalǵan alań, jabyq minber, atqoralar, jabyq manej-shpringarten, veterinariialyq-profilaktikalyq beket, sondai-aq qurama jemge arnalǵan qoimalar jáne avtoturaq bolady dep josparlanýda.
