Túrkistan oblysy aýdandyq máslıhatynyń depýtaty Erǵalı Amanbaev jol erejesin birneshe márte buzyp, tártip saqshylarynyń nazaryna ilikti. Bul týraly jýrnalıs Mıhaıl Kozachkov málimdedi, dep habarlaıdy Dalanews.kz.
Polısıa málimetinshe, Lexus LX 570 avtokóliginiń júrgizýshisi shynynda da Amanbaev bolǵan. Oǵan birqatar ákimshilik quqyqbuzýshylyqtar boıynsha aıyp taǵyldy:
- jalǵan memlekettik nómir qoldaný,
- qarsy baǵytqa shyǵý,
- saqtandyrý polısinsiz kólik júrgizý,
- qaýipsizdik beldigin taqpaý,
- tıym salynǵan jerde keri júrý,
- qozǵalysty bastarda belgi bermeý.
Depýtattyń kóligi aıypturaqqa qoıyldy. Al Amanbaevtyń pıdjagynan baıqalǵan «Amanat» partıasynyń» tósbelgisine qatysty partıa ókilderi keıinirek resmı pikir bildiretinin málimdedi.
