تۇركىستان وبلىسى اۋداندىق ءماسليحاتىنىڭ دەپۋتاتى ەرعالي امانبايەۆ جول ەرەجەسىن بىرنەشە مارتە بۇزىپ، ءتارتىپ ساقشىلارىنىڭ نازارىنا ىلىكتى. بۇل تۋرالى جۋرناليست ميحايل كوزاچكوۆ مالىمدەدى، دەپ حابارلايدى Dalanews.kz.
پوليسيا مالىمەتىنشە، Lexus LX 570 اۆتوكولىگىنىڭ جۇرگىزۋشىسى شىنىندا دا امانبايەۆ بولعان. وعان ءبىرقاتار اكىمشىلىك قۇقىقبۇزۋشىلىقتار بويىنشا ايىپ تاعىلدى:
- جالعان مەملەكەتتىك ءنومىر قولدانۋ،
- قارسى باعىتقا شىعۋ،
- ساقتاندىرۋ ءپوليسىنسىز كولىك جۇرگىزۋ،
- قاۋىپسىزدىك بەلدىگىن تاقپاۋ،
- تيىم سالىنعان جەردە كەرى ءجۇرۋ،
- قوزعالىستى باستاردا بەلگى بەرمەۋ.
دەپۋتاتتىڭ كولىگى ايىپتۇراققا قويىلدى. ال امانبايەۆتىڭ پيدجاگىنان بايقالعان «Amanat» پارتياسىنىڭ» توسبەلگىسىنە قاتىستى پارتيا وكىلدەرى كەيىنىرەك رەسمي پىكىر بىلدىرەتىنىن مالىمدەدى.
