“Shymkent qalasynyń mádeniet, tilderdi damytý jáne arhivter” basqarmasynyń bastamasymen “Kitap - jan dárýmeni” jobasy qolǵa alynyp, jergilikti 12 aýrýhana, emhana jáne balalar aýrýhanalaryna klassikalyq jáne zamanaýi avtorlardyń týyndylarymen tolyqtyryldy.
Em alýshy shymkenttikter qalaǵan kitabyn alyp, aýrýhanada ótkizýge májbúr ýaqytyna ózgeshelik engize alady.
“Ókinishke qarai, aýrýhanalarda naýqastar sany azaimai otyr. Oǵan qosa, uzaq merzimdi emge muqtaj azamattar da bar. Jerlesterimizdiń emine sál de bolsa kómegimizdi tigizsek degen nietimizdi osy joba arqyly iske asyryp otyrmyz.
Emdelý tek fizikalyq qana emes, emotsionaldyq jaǵdaiǵa da bailanysty.
Kitap oqyp, oiyn jaqsy jaqqa aýdarýdyń áseri em alýshylarǵa tezirek saýyǵyp ketýge yqpalyn tigizedi dep úmittenemiz.” - dep joba uiymdastyrýshylary óz oiymen bólisti.
Qazirgi tańda 12 aýrýhanada bastaý alǵan bul joba basqa da qalalyq aýrýhanalarda óz jalǵasyn tabady dep kútilýde.
Týyndylar arasynda M. Áýezov, Ý. Shekspir kitaptaryn, zamanaýi jazýshylardyń eńbekterin jáne balalarǵa arnalǵan san alýan kitapshalary men ertegilerdi kezdestirýge bolady. Óz kitabymen bólisýge niet bildirgen adamdar da kitap sórelerin tolyqtyra alady.
