Shymkentte bútin bir otbasy belgisiz zattan ýlandy: bir jasar sábi kóz jumdy
Aýrýhanaǵa bir otbasynan ár túrli jastaǵy bes adam kelip tústi: 2000, 2002, 2014, 2017 jáne 2019 jyly týylǵandar.
Basylymnyń málimetinshe, ishindegi eń kishkentaiy aýrýhanada túskende klinikalyq ólim jaǵdaiynda bolǵan. Ony qutqarý múmkin bolmady, bala kóz jumdy.
Taǵy eki bala jan saqtaý bólimine jatqyzyldy. Olardyń aǵzalarynda qazirgi ýaqytta belgisiz ýly zattardyń kúshti áseri bar ekeni anyqtaldy. Olarǵa toksikalyq shok diagnozy qoiylǵan.
Eresek balalarǵa qajetti kómek kórsetildi, sodan keiin olar úilerine bosatyldy. Bul otbasy "Sever" yqshamaýdany tóńiregindegi týystaryna barǵanda ýlanǵan. Arnaiy quraldardy qoldanǵan mamandar jasaǵan saraptamaǵa sáikes, oqiǵa ornynda kómirtegi oksidi tirkelmegen.
Keiingi zertteý úshin sarapshylar tamaq ónimderin alyp, tekserip jatyr. Otbasy kórshi páterlerdegiler qandalanyń kózin joiý úshin zararsyzdandyrý júrgizip, sonyń kesirinen ýlanýy múmkin degen boljam bar.
