اۋرۋحاناعا ءبىر وتباسىنان ءار ءتۇرلى جاستاعى بەس ادام كەلىپ ءتۇستى: 2000، 2002، 2014، 2017 جانە 2019 جىلى تۋىلعاندار.
باسىلىمنىڭ مالىمەتىنشە، ىشىندەگى ەڭ كىشكەنتايى اۋرۋحانادا تۇسكەندە كلينيكالىق ءولىم جاعدايىندا بولعان. ونى قۇتقارۋ مۇمكىن بولمادى، بالا كوز جۇمدى.
تاعى ەكى بالا جان ساقتاۋ بولىمىنە جاتقىزىلدى. ولاردىڭ اعزالارىندا قازىرگى ۋاقىتتا بەلگىسىز ۋلى زاتتاردىڭ كۇشتى اسەرى بار ەكەنى انىقتالدى. ولارعا توكسيكالىق شوك دياگنوزى قويىلعان.
ەرەسەك بالالارعا قاجەتتى كومەك كورسەتىلدى، سودان كەيىن ولار ۇيلەرىنە بوساتىلدى. بۇل وتباسى "سيەۆەر" ىقشاماۋدانى توڭىرەگىندەگى تۋىستارىنا بارعاندا ۋلانعان. ارنايى قۇرالداردى قولدانعان ماماندار جاساعان ساراپتاماعا سايكەس، وقيعا ورنىندا كومىرتەگى وكسيدى تىركەلمەگەن.
كەيىنگى زەرتتەۋ ءۇشىن ساراپشىلار تاماق ونىمدەرىن الىپ، تەكسەرىپ جاتىر. وتباسى كورشى پاتەرلەردەگىلەر قاندالانىڭ كوزىن جويۋ ءۇشىن زارارسىزداندىرۋ جۇرگىزىپ، سونىڭ كەسىرىنەن ۋلانۋى مۇمكىن دەگەن بولجام بار.
