Shymkent qalasynyń aýmaǵynda krıptovalúta óndirý boıynsha zańsyz maınıng fermasyn uıymdastyrǵan eki azamattyń qylmystyq is-áreketi áshkerelendi, dep habarlaıdy Dalanews.kz.
Qarjylyq monıtorıń agenttigi baspasóz qyzmetiniń málimetinshe, 2023 jylǵy sáýir men 2024 jylǵy aqpan aralyǵynda atalǵan tulǵalar jalpy somasy 100 mln teńgeden astam asa iri mólsherde kiris ala otyryp, maınıngtik ferma uıymdastyrǵany anyqtaldy.
"Olardyń jalpy somasy 370 mln teńge bolatyn 1000 dana ASIC maınerler (bıtkoın óndirý jabdyǵy) men zańsyz óndirilgen sıfrlyq aktıvter (bıtkoındar) túrindegi múlki tárkilenip, biri eki jylǵa, ekinishisi 2,5 jylǵa bas bostandyǵynan aıyryldy", delingen 9 qazandaǵy agenttik habarlamasynda.
Jalpy, aǵymdaǵy jyldyń basynan beri qylmystyq tabysy 400 mln teńgege jýyq zańsyz maınıngtik fermalardy uıymdastyrýdyń 4 faktisi anyqtaldy.
Qarjylyq monıtorıń agenttigi atalǵan qyzmet túrine tıisti lısenzıa bolǵan jaǵdaıda ǵana ruqsat etilgenin eskertedi.
