Shymkentte avtobýs áıeldi qaǵyp óltirdi, dep habarlaıdy Dalanews.kz.
Otyrar.kz málimetinshe, Shymkenttegi Jibek joly kóshesinde júrginshi áıel 103-baǵyttaǵy qoǵamdyq kóliktiń astyna túsip, mert bolǵan.
Qalalyq polısıa departamentiniń aldyn ala deregi boıynsha marqum belgilenbegen jerden joldy kesip ótpek bolǵan. Ol alǵan jaraqatynan oqıǵa ornynda qaıtys boldy.
"Jol apaty boıynsha qylmystyq is qozǵaldy. Qazir oqıǵanyń barlyq mán-jaıyn anyqtaýǵa baǵyttalǵan keshendi tergeý júrgizilip jatyr", - dedi Shymkent qalalyq Polısıa departamenti ókili.
