Ulttyq qaýipsizdik komitetiniń arnaiy qyzmetkerleri Shymkentte Ál-Farabi aýdandyq politsiia bóliminiń basshysy Batyrbek Myrzageldievti 20 mln teńge para alǵan jerinen ustady, dep habarlaidy Dalanews.kz.
EGov.press telegram arnasynyń málimetinshe, bul aqsha alaiaqtyq deregi boiynsha qozǵalǵan qylmystyq isti toqtatýǵa deldaldyq jasaýdyń “syiaqysy” retinde berilgen bolýy múmkin.
“Aldyn ala málimet boiynsha, istegi zalal mólsheri shamamen 200 mln teńgeni quraidy. Qol túsken soma osy qarjynyń shamamen 10 paiyzyna teń ekeni aitylyp otyr”, — deidi derekkóz.
Qysqa ýaqyt ishinde bul aýdandyq politsiia bólimi basshylaryna qatysty tirkelgen ekinshi ustaý deregi.
Qazirgi ýaqytta is boiynsha tergeý júrgizilip jatyr, ózge málimetter protsessýaldyq maqsatta jariia etilmeidi.
