Shymkent qalasy aýdan ákiminiń orynbasary kásipkerden para alǵany úshin kináli dep tanyldy, dep habarlaidy Dalanews.kz.
Antikor málimetinshe, biyl 1 sáýirde Shymkent qalasynyń qylmystyq ister jónindegi mamandandyrylǵan aýdanaralyq soty sottalǵandardyń burynǵy áriptesteriniń qatysýymen Eńbekshi aýdany ákiminiń orynbasary E.Tilenshinge, osy ákimdiktiń bas mamany A.Balqybekovke, sondai-aq merdiger uiymnyń ókili A.Manatqa qatysty úkim jariialady.
"Atalǵan adamdarǵa tiisinshe 11, 10 jáne 3 jyl merzimge bas bostandyǵynan aiyrý jazasy taǵaiyndaldy. Olar aldyn ala sóz bailasý boiynsha adamdar tobynda megapolisti abattandyrý jónindegi jumystardy oryndaý kezinde, memlekettik satyp alý týraly jasalǵan shart sheńberinde, sondai-aq zirattardy kútip ustaýǵa bólingen 28 mln teńge somasynda biýdjet qarajatyn jymqyrý faktisi boiynsha qamqorshylyq jasaǵany úshin kásipkerden 60 mln teńge mólsherinde para alǵany úshin kináli dep tanyldy", - delingen málimette.
Sondai-aq sottalǵandar ómir boiy memlekettik qyzmette laýazymdardy atqarý quqyǵynan aiyryldy.
