شىمكەنتتە اۋدان اكىمىنىڭ بۇرىنعى ورىنباسارى سوتتالدى

قاراكوز امانتاي 02 ءساۋ. 2024 09:49 1323

شىمكەنت قالاسى اۋدان اكىمىنىڭ ورىنباسارى كاسىپكەردەن پارا العانى ءۇشىن كىنالى دەپ تانىلدى، دەپ حابارلايدى Dalanews.kz.

انتيكور مالىمەتىنشە، بيىل 1 ساۋىردە شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى سوتتالعانداردىڭ بۇرىنعى ارىپتەستەرىنىڭ قاتىسۋىمەن ەڭبەكشى اۋدانى اكىمىنىڭ ورىنباسارى ە.تىلەنشينگە، وسى اكىمدىكتىڭ باس مامانى ا.بالقىبەكوۆكە، سونداي-اق مەردىگەر ۇيىمنىڭ وكىلى ا.ماناتقا قاتىستى ۇكىم جاريالادى.

"اتالعان ادامدارعا تيىسىنشە 11، 10 جانە 3 جىل مەرزىمگە باس بوستاندىعىنان ايىرۋ جازاسى تاعايىندالدى. ولار الدىن الا ءسوز بايلاسۋ بويىنشا ادامدار توبىندا مەگاپوليستى اباتتاندىرۋ جونىندەگى جۇمىستاردى ورىنداۋ كەزىندە، مەملەكەتتىك ساتىپ الۋ تۋرالى جاسالعان شارت شەڭبەرىندە، سونداي-اق زيراتتاردى كۇتىپ ۇستاۋعا بولىنگەن 28 ملن تەڭگە سوماسىندا بيۋدجەت قاراجاتىن جىمقىرۋ فاكتىسى بويىنشا قامقورشىلىق جاساعانى ءۇشىن كاسىپكەردەن 60 ملن تەڭگە مولشەرىندە پارا العانى ءۇشىن كىنالى دەپ تانىلدى"، - دەلىنگەن مالىمەتتە.

سونداي-اق سوتتالعاندار ءومىر بويى مەملەكەتتىك قىزمەتتە لاۋازىمداردى اتقارۋ قۇقىعىنان ايىرىلدى.


ۇسىنىلعان
سوڭعى جاڭالىقتار
x