Shymkentte uiymdasqan qylmysqa qarsy kúres bólinisiniń qyzmetkerleri qala turǵyndaryna kúsh qoldaný arqyly úlken kólemdegi qarajatty ashyq túrde iemdengen úsh er adamdy ustady, - dep habarlaidy Dalanews.kz IIM-ge siltep.
Qaskúnemder politsiia qyzmetkerleriniń atyn jamylyp, turaqty túrde aqsha bopsalaýmen ainalysyp, "qorǵaýǵa" alamyz dep, ai saiyn tólem talap etken. Kúdiktilerdiń birinen politsiia qyzmetkeriniń jalǵan qyzmettik kýáligi tárkilendi. Al ekinshi kúdikti alaiaqtyq úshin buryn sottalǵan bolyp shyqty.
"Mundai áreketter óz mindetterin adal atqaratyn ishki ister organdary qyzmetkerleriniń bedeline nuqsan keltiredi. Sondyqtan olarǵa qatań túrde tosqaýyl qoiylatyn bolady. Kúdiktilerdiń barlyǵy ustalyp, ýaqytsha ustaý izoliatoryna qamaldy. Bopsalaý, tonaý jáne bilik ókili ataǵyn óz betinshe iemdenip alý faktileri boiynsha qylmystyq is qozǵaldy. Qazir olardyń osyǵan uqsas basqa qylmystarǵa qatysy bar-joǵy tekserilip jatyr. Qaskóiler 10 jylǵa deiin bas bostandyǵynan aiyrylýy múmkin", – dedi departament bastyǵy – IIM resmi ókili Shyńǵys Alekeshev.
