شىمكەنتتە ۇيىمداسقان قىلمىسقا قارسى كۇرەس ءبولىنىسىنىڭ قىزمەتكەرلەرى قالا تۇرعىندارىنا كۇش قولدانۋ ارقىلى ۇلكەن كولەمدەگى قاراجاتتى اشىق تۇردە يەمدەنگەن ءۇش ەر ادامدى ۇستادى، - دەپ حابارلايدى Dalanews.kz ىىم-گە سىلتەپ.
قاسكۇنەمدەر پوليسيا قىزمەتكەرلەرىنىڭ اتىن جامىلىپ، تۇراقتى تۇردە اقشا بوپسالاۋمەن اينالىسىپ، "قورعاۋعا" الامىز دەپ، اي سايىن تولەم تالاپ ەتكەن. كۇدىكتىلەردىڭ بىرىنەن پوليسيا قىزمەتكەرىنىڭ جالعان قىزمەتتىك كۋالىگى تاركىلەندى. ال ەكىنشى كۇدىكتى الاياقتىق ءۇشىن بۇرىن سوتتالعان بولىپ شىقتى.
"مۇنداي ارەكەتتەر ءوز مىندەتتەرىن ادال اتقاراتىن ىشكى ىستەر ورگاندارى قىزمەتكەرلەرىنىڭ بەدەلىنە نۇقسان كەلتىرەدى. سوندىقتان ولارعا قاتاڭ تۇردە توسقاۋىل قويىلاتىن بولادى. كۇدىكتىلەردىڭ بارلىعى ۇستالىپ، ۋاقىتشا ۇستاۋ يزولياتورىنا قامالدى. بوپسالاۋ، توناۋ جانە بيلىك وكىلى اتاعىن ءوز بەتىنشە يەمدەنىپ الۋ فاكتىلەرى بويىنشا قىلمىستىق ءىس قوزعالدى. ءقازىر ولاردىڭ وسىعان ۇقساس باسقا قىلمىستارعا قاتىسى بار-جوعى تەكسەرىلىپ جاتىر. قاسكويلەر 10 جىلعا دەيىن باس بوستاندىعىنان ايىرىلۋى مۇمكىن"، – دەدى دەپارتامەنت باستىعى – ءىىم رەسمي وكىلى شىڭعىس الەكەشيەۆ.
