Shymkentte politsiia zańsyz kóshi-qonǵa qarsy jedel-profilaktikalyq is-shara júrgizip, ondaǵan quqyqbuzýshylyqty anyqtady, dep habarlaidy Dala news.
Ishki ister ministrliginiń málimetinshe, tekserý barysynda kásipkerlik nysandarynyń birinde 20 sheteldik azamattyń tiisti ruqsat qujattarynsyz eńbek etkeni belgili bolǵan. Olar Qazaqstan Respýblikasynyń kóshi-qon zańnamasyn buzǵany anyqtaldy.
Atalǵan derek boiynsha zań buzýshylarǵa qatysty materialdar ákimshilik sotqa joldandy. Sonymen qatar kásipkerlik nysannyń basshysy zańsyz eńbek migranttaryn paidalanǵany úshin jaýapkershilikke tartyldy.
Jalpy jedel-profilaktikalyq is-shara barysynda Qazaqstan aýmaǵyna kirý, shyǵý jáne bolý tártibin buzýdyń 100-den astam faktisi anyqtalǵan. Árbir derek boiynsha tiisti sharalar qabyldandy.
Politsiia ókilderi kóshi-qon zańnamasyn saqtaý shetel azamattary úshin de, olardy jumysqa tartatyn jumys berýshiler úshin de mindetti ekenin eske saldy. Zań talaptaryn buzý qoldanystaǵy zańnamaǵa sáikes jaýapkershilikke ákeledi.
