Prezıdenttiń usynysyn Shymkent qalalyq máslıhatynyń depýtattary qarastyryp, kelisimderin bergen.
Murat Dúısenbekuly Áıtenov 1981 jyly 30 qazanda Ońtústik Qazaqstan oblysy Jetisaı qalasynda dúnıege keldi.
2004 jyly S.M. Shtemenko atyndaǵy Krasnodar áskerı ınstıtýtyn «Uıymdastyrý jáne aqparatty qorǵaý tehnologıasy» mamandyǵy boıynsha bitirgen. 2011 jyly Qaztutyný odaǵynyń Qaraǵandy ekonomıkalyq ýnıversıtetin «zańtaný» mamandyǵy boıynsha aıaqtaǵan.
Eńbek jolyn Astana qalasynda 2004 jyly Qazaqstan Respýblıkasy Qorǵanys mınıstrligi janyndaǵy arnaıy baılanys bóliminiń kezekshilik aýysymynyń aǵa ınjener-bastyǵy bolyp bastaǵan.
2006-2008 jyldary - QR PİB «Astana-Ónim» AQ sharýashylyq aýlasynyń meńgerýshisi. 2008-2010 jyldary – QR PİB vedimistik qarasty uıymdardy basqarý jónindegi bólimniń óndiristik qyzmetti úılestirý sektorynyń sarapshysy.
2010-2012 jyldary – Qazaqstan Respýblıkasy Prezıdenti İs basqarmasynyń resmı is-sharalar jáne syrtqy baılanystar bólimi meńgerýshisiniń orynbasary.
2012-2013 jyldary - Qazaqstan Respýblıkasy Prezıdenti İs basqarmasynyń resmı is-sharalar jáne syrtqy baılanystar bóliminiń meńgerýshisi. 2013-2016 jyldary Qazaqstan Respýblıkasy Prezıdenti İs basqarmasynyń apparat basshysy laýazymyna taǵaıyndaldy. 2017-2019 jyldary QR Prezıdenti İs basqarýshysynyń orynbasary 2019 jylǵy jeltoqsannan beri Shymkent qalasy ákiminiń birinshi orynbasary bolǵan.
