– Búginde biz memlekettik qyzmetterdi alý úshin barynsha qolaıly jaǵdaı jasaýdamyz. Biz 10 aıdyn top-5 memlekettik qyzmetteriniń reıtıńin jasadyk. Eń kóp suratylǵyn qyzmet jeke kýálik pen pasport, ony alý úshin 450 mynǵa jýyq azamat júgingen, odan keıin avtokólikti qaıta tirkeý, jyljymaıtyn múlikti tirkeý qyzmetteri men ESQ alý (120 myń sıfrlyq qoltańba) eń sońynda júrgizýshi kýáligin berý qyzmeti, – dedi «Azamattarǵa arnalǵan úkimettiń» Shymkent qalalyq fılıalynyń dırektory Danabek Isabekov.
Sondaı- aq árbir bólimde azamattar óz betinshe elektrondyq anyqtamalar men elektrondy qyzmetterdi ala alatyn óz-ózine qyzmet kórsetý sektorlary jumys isteıdi. Ol úshin azamattardyń elektrondy sıfrlyq qoltańbasy bolý qajet. ESQ-ny onlaın túrde úıde nemese osynda halyqqa qyzmet kórsetý ortalyqtarynyń ǵımaratynda alýǵa bolady. Odan bólek shymkenttikterdiń yńǵaılylyǵy úshin memlekettik qyzmettiń baj alymyn kasaǵa barmaı-aq, QR kod arqyly tóleý múmkindigi jasaldy. Turǵyndar daıyn bolǵan qujatty úılerine aldyrtý servısin paıdalanyp, kóliktiń saqtandyrý polısin avtoHQO operatorynan birden rásimdeı alatyn boldy. Oǵan qosa birneshe memkelekettik qyzmetti HQO-ǵa barmaı-aq bank qosymshalary arqyly alý múmkindigi týdy.
– HQO bólimderi múmkindigi shekteýli jandar úshin pandýstarmen jabdyqtalǵan. Al eger klıent qandaı da bir sebeptermen HQO-ǵa bara almasa, onda siz bizdiń qyzmetkerdi úıge shaqyra alasyz. Ol úshin biryńǵaı baılanys ortalyǵynyń 1414 nómirine qońyraý shalyp, ótinish qaldyrý qajet. Osylaısha, 2021 jyly bizdiń qyzmetkerler 1000-nan astam ret klıentterdiń úıine baryp qyzmet kórsetken, – dep tolyqtyrdy Danabek Isabekov.
«Azamattarǵa arnalǵan úkimet» memlekettik korporasıasy 690 memlekettik qyzmet kórsetedi, elektrondy úkimet portaly arqyly 645 memlekettik qyzmet onlaın formatta qoljetimdi. Olardy Egov portaly, Egov mobile mobıldik qosymshasy jáne @Kenes1414Bot telegramm-bot arqyly óz betinshe alýǵa bolady. Jalpy Shymkent qalalyq fılıalynda 600 qyzmetker jumys isteıdi.
