Shymkent qalasyndaǵy túzeý mekemesiniń úsh qyzmetkeri sottalǵandarǵa azaptady degen kúdikpen qamaýǵa alyndy, dep habarlaidy Dalanews.kz.
Aqparatqa sáikes, qala boiynsha óńirlik ókil Nurjan Abdezov sottalǵan azamattardyń birin jeke qabyldaǵan. Qabyldaý barysynda ol 2025 jyldyń maýsym aiynda mekeme qyzmetkerleri tarapynan soqqyǵa jyǵylǵanyn málimdegen. Onyń aitýynsha, qolyna kisen salynǵan kúii temir torǵa tórt saǵat boiy ilip qoiǵan, keiin aiaq kiimin sheship, tabanynan rezeńke taiaqpen urǵan.
Sondai-aq qabyldaý kezinde taǵy bir sottalǵannyń soqqyǵa jyǵylyp, jaq súiegi synǵany belgili bolǵan. Atalǵan derekter boiynsha óńirlik ókil tiisti organdarǵa jedel túrde habar berip,sharalar qabyldaǵan.
Nátijesinde meditsinalyq kómekti ýaqtyly kórsetpegeni úshin meditsina qyzmetkerleri jaýapkershilikke tartyldy. Al túzeý mekemesi qyzmetkerlerine qatysty bastapqyda Qylmystyq kodekstiń 362-baby boiynsha sotqa deiingi tergep-tekserý tirkelgen.
Keiin adam quqyqtaryn qorǵaý institýty mekeme qyzmetkerleriniń áreketterinde azaptaý belgileri bar ekenin kórsetip, isti qaita qaraý týraly joǵary qadaǵalaý organyna júgingen. Bul ustanymdy Qazaqstan Respýblikasynyń Bas prokýratýrasy qoldap, qylmystyq is Qylmystyq kodekstiń 146-babynyń 3-bóligine qaita saralanǵan.
Qazirgi ýaqytta túzeý mekemesiniń úsh qyzmetkeri qamaýda otyr. Tergeý jalǵasýda.
