شىمكەنت قالاسىنداعى تٷزەۋ مەكەمەسٸنٸڭ ٷش قىزمەتكەرٸ سوتتالعاندارعا ازاپتادى دەگەن كٷدٸكپەن قاماۋعا الىندى, دەپ حابارلايدى Dalanews.kz.
اقپاراتقا سەيكەس, قالا بويىنشا ٶڭٸرلٸك ٶكٸل نۇرجان ابدەزوۆ سوتتالعان ازاماتتاردىڭ بٸرٸن جەكە قابىلداعان. قابىلداۋ بارىسىندا ول 2025 جىلدىڭ ماۋسىم ايىندا مەكەمە قىزمەتكەرلەرٸ تاراپىنان سوققىعا جىعىلعانىن مەلٸمدەگەن. ونىڭ ايتۋىنشا, قولىنا كٸسەن سالىنعان كٷيٸ تەمٸر تورعا تٶرت ساعات بويى ٸلٸپ قويعان, كەيٸن اياق كيٸمٸن شەشٸپ, تابانىنان رەزەڭكە تاياقپەن ۇرعان.
سونداي-اق قابىلداۋ كەزٸندە تاعى بٸر سوتتالعاننىڭ سوققىعا جىعىلىپ, جاق سٷيەگٸ سىنعانى بەلگٸلٸ بولعان. اتالعان دەرەكتەر بويىنشا ٶڭٸرلٸك ٶكٸل تيٸستٸ ورگاندارعا جەدەل تٷردە حابار بەرٸپ,شارالار قابىلداعان.
نەتيجەسٸندە مەديتسينالىق كٶمەكتٸ ۋاقتىلى كٶرسەتپەگەنٸ ٷشٸن مەديتسينا قىزمەتكەرلەرٸ جاۋاپكەرشٸلٸككە تارتىلدى. ال تٷزەۋ مەكەمەسٸ قىزمەتكەرلەرٸنە قاتىستى باستاپقىدا قىلمىستىق كودەكستٸڭ 362-بابى بويىنشا سوتقا دەيٸنگٸ تەرگەپ-تەكسەرۋ تٸركەلگەن.
كەيٸن ادام قۇقىقتارىن قورعاۋ ينستيتۋتى مەكەمە قىزمەتكەرلەرٸنٸڭ ەرەكەتتەرٸندە ازاپتاۋ بەلگٸلەرٸ بار ەكەنٸن كٶرسەتٸپ, ٸستٸ قايتا قاراۋ تۋرالى جوعارى قاداعالاۋ ورگانىنا جٷگٸنگەن. بۇل ۇستانىمدى قازاقستان رەسپۋبليكاسىنىڭ باس پروكۋراتۋراسى قولداپ, قىلمىستىق ٸس قىلمىستىق كودەكستٸڭ 146-بابىنىڭ 3-بٶلٸگٸنە قايتا سارالانعان.
قازٸرگٸ ۋاقىتتا تٷزەۋ مەكەمەسٸنٸڭ ٷش قىزمەتكەرٸ قاماۋدا وتىر. تەرگەۋ جالعاسۋدا.
