BAQ-ta Shymkent qalasynyń bas arhitektory ustalǵany týraly aqparat tarady,- dep habarlaidy Dalanews.kz.
Orda.kz málimetinshe, Shymkent qalalyq sáýlet jáne qala qurylysy basqarmasynyń basshysy Arman Ábdeshov bótenniń múlkin iemdendi degen kúdikke ilingen.
"Arman Ábdeshov basqarma tizginin aqpanda ustap turǵan kezde qala ákiminiń orynbasary qyzmetine Rýslan Berdenov taǵaiyndalǵan. Tańqalarlyǵy, bas sáýletshiniń ustalǵan ýaqyty Rýslan Berdenovke oq atqan "Turǵyn úi Shymkent" qalalyq kompaniiasynyń direktory Ernar Jiembaidyń sot protsesimen tuspa-tus kelip otyr", - dep jazdy basylym.
Keshe sotta qurylys basqarmasynyń bir qyzmetkeri Berdenov birneshe ret jinalys ótkizip, "Antikor" tarapynan tekseris bolatynyn eskertkenin aitty. Alaida bul eki oqiǵanyń ózara bailanysy bar-joǵy ázirge belgisiz.
