2020 jyly qolǵa alynǵan jobaǵa sáikes qyryq jyldan astam ýaqyt qoldanysta bolǵan volerlerdi jańartý jumystary júrgizilip jatyr.
Shilde aiynda Qaitpas, Qaisar esimdi tórt jasar aǵaiyndy eki arystan jańa volerge ornalastyrylǵan bolatyn. Búginde ekeýi de jańa jaiǵa úirenisip, jaǵdailary jaqsaryp qalǵan.
Buǵan deiin tsirkte óner kórsetken ańdarmen qatar 2021 jyldyń maýsym aiynda 3 bas dala qasqyry, Novosibirsk zoobaǵynan ákelingen 2 qara jáne 2 qyzyl qasqyr men bes bas túlki, shilde aiynda jergilikti tsirkten ákelingen eki arystan kóshirilgen.
Barlyq janýarlardyń qazirgi jaǵdailary jaqsy. Aldynala daiyndyq jumystary atqarylýyna bailanysty kóshirý barysynda eshqandai qiyndyq týyndamady.
Shymkent qalasy Zoobaǵynyń barlyq janýarlaryna jaily jáne qaýipsiz orta qalyptastyrý úshin tamyz aiynda Bonia jáne Klaid esimdi gibbondar, úsh urǵashy jasyl martyshka jańa jerge kóshirildi.
Qońyr aiýlarǵa arnaiy salynǵan volerler de bir apta ýaqyt aldyn daiar bolyp, Tian Shandyq Tatiana jáne Pontik, tsirkten ákelingen 5 jasar Barni men Ýmka jańa orynǵa aýystyryldy.
Jańa oryndar ár janýardyń tabiǵi qajettilik jáne qyzyǵýshylyǵyna qarai jasalyp, kishigirim oiyn alańqailary, bassein jáne kóleńke berer aǵashtarmen qamtylǵan.
Eski jáne tar volerlerde biraz ýaqyt ómir súrgen janýarlar jaily jerlerge úirenisip, kúndelikti ómir barysyn jalǵastyrýda.
Atalmysh jobaǵa sáikes keler jyly barlyq eskirgen volerler kezek-kezegimen súrilip, 2023 jyly tolyqtai jańarýy josparlanǵan.
