Atalǵan usynysty qoldaǵan halyq qalaýlylary Shymkent qalasyna respýblikalyq mańyzy bar qala mártebesin berý týraly sheshimge búgingi ótken sessiia otyrysynda qala ákimdigimen birlese tarihi qujatqa qol qoidy. Endi bul qujat Ońtústik Qazaqstan oblystyq máslihatynyń qaraýyna usynylady.
Halyq qalaýlylarynynan bólek sessiia jumysyna qatysqan oblys ákimi J.Túimebaev pen qala ákimi N.Saýranbaev barshany Shymkent qalasy turǵyndarynyń 1 millionǵa jetýimen shyn júrekten quttyqtady.
Respýblikalyq mańyzy bar qala mártebesi jańa múmkindikterge jol ashatynyn aitqan óńir basshysy mundai ózgeris qalanyń damýyna oń áserin alyp keletinin atap ótti.
«Shymkent qalalyq máslihatynyń VI shaqyrylymdaǵy depýtattary kezekten tys 29-shy sessiiasynda el ómiri úshin mańyzdy máselege daýys berdi. Elbasymyz Nursultan Ábishuly Nazarbaevtyń bastamasymen birneshe jyl buryn Shymqalany million turǵyny bar ortalyqqa ainaldyrý bastamasy kóterilgen bolatyn.
Endi mine, sol maqsat júzege asyp, Shymkent elimizdegi milliondyq halqy bar úsh qalanyń birine ainaldy. Quttyqtaimyn! Bizdiń súiikti qalamyzdyń orny óńir úshin ǵana emes, Qazaqstan úshin de airyqsha mańyzǵa ie. Ul Jibek jolynyń boiyndaǵy bul shahardyń tarihy men tamyry tym tereńde jatyr. Orta Aziiadaǵy san ǵasyrlyq ǵumyry bar sanaýly qalalardyń biri bolǵan Shymkent, endi biregeiine ainalý baǵytyna tústi. Munyń barlyǵy bizge zor maqtanyshpen qatar, úlken jaýapkershilik júkteidi»,-dedi J.Túimebaev.
Eske salsaq, Qazaqstan Respýblikasynyń 1993 jyly 8 jeltoqsandaǵy №№2572- HII «Qazaqstan Respýblikasynyń ákimshilik-aýmaqtyq qurylysy týraly» Zańynda respýblikalyq mańyzy bar qalalarǵa — halqynyń sany bir million adamnan asatyn eldi mekender jatady dep kórsetilgen.
Jiyn sońynda qala ákimi N.Saýranbaev alda atqarar jospardyń kóp ekenin, onyń barlyǵy máslihat depýttary men qala turǵyndarynyń qoldaýymen ǵana júzege asatynyn aityp, aldaǵy ýaqytta birlese jumys isteýge shaqyrdy.
Sessiia barysynda oblystyń áleýmettik-ekonomikalyq damýyna súbeli úles qosqan birqatar azamattar «Oblysqa sińirgen eńbegi úshin» medalimen jáne oblys ákiminiń Qurmet gramotasymen marapattaldy.
