Shymkent qalasy jylytý maýsymyna osy bastan daiyndyq júrgizýde
Turǵyn úiler boiynsha qazirgi tańda qalada halyqqa qysqy jylý maýsymyna daiyndyq boiynsha qyzmet kórsetetin 13 servistik kompaniia qurylǵan. Qazir bul kompaniialarmen 909 úi nemese barlyq úidiń 50%-na jýyǵy kelisim-shart jasap úlgerdi. Qazirdiń ózinde oblys ortalyǵyndaǵy kópqabatty 24 úi jylý qabyldaýǵa daiyn.
Aita ketý kerek, kelisim-shart jasamaǵan úilerdiń turǵyndaryna úilerin qysqy jylytý maýsymyna ózderi daiyndaýy nemese baspanalaryn senip tapsyratyn kompaniiany tańdaýy tiis. Bul úshin aýdan ákimdigine barý jetkilikti. Ondaǵy mamandar barlyq kompaniialar týraly tolyq túsindirip beredi. Al turǵyndar solardyń birin tańdasa bolǵany. Bul tusta kompaniia qyzmetiniń aqysyn úilerin qysqa ózderi daiyndaǵan kezdegidei birden emes, túbirtek boiynsha tóleidi.
Jalpy, Shymkentte biýdjettik 352 nysan bar. Sonyń ishinde bilim berý salasynda - 223, densaýlyq saqtaý salasynda - 78, mádeniette - 42 nysan bolsa, 6 sport nysany bar. Bul mekemelerdi de qysqy maýsymǵa daiyndaý isi qolǵa alynǵan. 31 nysan daiyn. Jalpy, Shymkentti jylytý maýsymyna daiyndaý 1 qazanǵa qarai aiaqtalmaq.
