قازىرگى تاڭدا قالاداعى وڭتۇستىك ايماقتا - 22 شاقىرىم، ال سولتۇستىك ايماقتا 42 شاقىرىم ماگيستارلدى قۇبىر جوندەلۋدە. بۇعان قوسا بايتۇرسىنوۆ كوشەسىندەگى ماگيسترالدى قۇبىردان بولەك، رىسقۇلوۆ كوشەسىنىڭ بويىندا ۇزىندىعى 5،2 شاقىرىم قۇبىر جاڭالانۋدا. بۇل ۋچاسكەدەگى ەسكىرگەن، ديامەترى ۇلكەن قۇبىرلار ءدال سونداي، ءبىراق، توت باسپايتىنداي ەتىپ قاپتالعان قۇبىرلارعا الماستىرىلۋدا. وتە ساپالى قۇبىرلار سۋ كەتكەن نەمەسە تەسىلگەن جاعدايدا حابار بەرەتىن قۇرىلعىلارمەن جابدىقتالعان. بۇل جونىندە قالالىق باسپا ءسوز قىزمەتى حابارلادى.

تۇرعىن ۇيلەر بويىنشا قازىرگى تاڭدا قالادا حالىققا قىسقى جىلۋ ماۋسىمىنا دايىندىق بويىنشا قىزمەت كورسەتەتىن 13 سەرۆيستىك كومپانيا قۇرىلعان. ءقازىر بۇل كومپانيالارمەن 909 ءۇي نەمەسە بارلىق ءۇيدىڭ 50%-نا جۋىعى كەلىسىم-شارت جاساپ ۇلگەردى. ءقازىردىڭ وزىندە وبلىس ورتالىعىنداعى كوپقاباتتى 24 ءۇي جىلۋ قابىلداۋعا دايىن.

ايتا كەتۋ كەرەك، كەلىسىم-شارت جاساماعان ۇيلەردىڭ تۇرعىندارىنا ۇيلەرىن قىسقى جىلىتۋ ماۋسىمىنا وزدەرى دايىنداۋى نەمەسە باسپانالارىن سەنىپ تاپسىراتىن كومپانيانى تاڭداۋى ءتيىس. بۇل ءۇشىن اۋدان اكىمدىگىنە بارۋ جەتكىلىكتى. ونداعى ماماندار بارلىق كومپانيالار تۋرالى تولىق ءتۇسىندىرىپ بەرەدى. ال تۇرعىندار سولاردىڭ ءبىرىن تاڭداسا بولعانى. بۇل تۇستا كومپانيا قىزمەتىنىڭ اقىسىن ۇيلەرىن قىسقا وزدەرى دايىنداعان كەزدەگىدەي بىردەن ەمەس، تۇبىرتەك بويىنشا تولەيدى.

جالپى، شىمكەنتتە بيۋدجەتتىك 352 نىسان بار. سونىڭ ىشىندە ءبىلىم بەرۋ سالاسىندا - 223، دەنساۋلىق ساقتاۋ سالاسىندا - 78، مادەنيەتتە - 42 نىسان بولسا، 6 سپورت نىسانى بار. بۇل مەكەمەلەردى دە قىسقى ماۋسىمعا دايىنداۋ ءىسى قولعا الىنعان. 31 نىسان دايىن. جالپى، شىمكەنتتى جىلىتۋ ماۋسىمىنا دايىنداۋ 1 قازانعا قاراي اياقتالماق.