شىمكەنت قالاسى جىلىتۋ ماۋسىمىنا وسى باستان دايىندىق جٷرگٸزۋدە
تۇرعىن ٷيلەر بويىنشا قازٸرگٸ تاڭدا قالادا حالىققا قىسقى جىلۋ ماۋسىمىنا دايىندىق بويىنشا قىزمەت كٶرسەتەتٸن 13 سەرۆيستٸك كومپانييا قۇرىلعان. قازٸر بۇل كومپانييالارمەن 909 ٷي نەمەسە بارلىق ٷيدٸڭ 50%-نا جۋىعى كەلٸسٸم-شارت جاساپ ٷلگەردٸ. قازٸردٸڭ ٶزٸندە وبلىس ورتالىعىنداعى كٶپقاباتتى 24 ٷي جىلۋ قابىلداۋعا دايىن.
ايتا كەتۋ كەرەك, كەلٸسٸم-شارت جاساماعان ٷيلەردٸڭ تۇرعىندارىنا ٷيلەرٸن قىسقى جىلىتۋ ماۋسىمىنا ٶزدەرٸ دايىنداۋى نەمەسە باسپانالارىن سەنٸپ تاپسىراتىن كومپانييانى تاڭداۋى تيٸس. بۇل ٷشٸن اۋدان ەكٸمدٸگٸنە بارۋ جەتكٸلٸكتٸ. ونداعى ماماندار بارلىق كومپانييالار تۋرالى تولىق تٷسٸندٸرٸپ بەرەدٸ. ال تۇرعىندار سولاردىڭ بٸرٸن تاڭداسا بولعانى. بۇل تۇستا كومپانييا قىزمەتٸنٸڭ اقىسىن ٷيلەرٸن قىسقا ٶزدەرٸ دايىنداعان كەزدەگٸدەي بٸردەن ەمەس, تٷبٸرتەك بويىنشا تٶلەيدٸ.
جالپى, شىمكەنتتە بيۋدجەتتٸك 352 نىسان بار. سونىڭ ٸشٸندە بٸلٸم بەرۋ سالاسىندا - 223, دەنساۋلىق ساقتاۋ سالاسىندا - 78, مەدەنيەتتە - 42 نىسان بولسا, 6 سپورت نىسانى بار. بۇل مەكەمەلەردٸ دە قىسقى ماۋسىمعا دايىنداۋ ٸسٸ قولعا الىنعان. 31 نىسان دايىن. جالپى, شىمكەنتتٸ جىلىتۋ ماۋسىمىنا دايىنداۋ 1 قازانعا قاراي اياقتالماق.
