“Shymbulaq” taý-shańǵy kýrortynda Regular Season kezeńiniń bastalýyna bailanysty High Season kezinde toqtatylǵan jeńildik baǵdarlamalary qaita kúshine endi, dep habarlaidy Dalanews.kz.
Jumys kúnderi zeinetkerler men múgedektigi bar jandar rastaýshy qujattaryn usynǵan jaǵdaida kýrort aýmaǵyna tegin kire alady.
Sondai-aq kópbalaly otbasylar, ardagerler, eńbek ótili boiynsha zeinetke shyqqan azamattar jáne basqa da áleýmettik osal top ókilderi jumys kúnderi biletter men ski-passtardy jeńildikpen satyp alý múmkindigine ie.
Al 5 jasqa deiingi balalar úshin Shymbulaqqa kirý kez kelgen kúni jáne kez kelgen maýsymda tegin. Bul úshin kassadan ski-pass kartasyn satyp alyp, oǵan nól somasynda abonement júkteý jetkilikti.
Kýrort ókilderiniń aitýynsha, jyl saiyn Shymbulaq áleýmettik osal sanatqa jatatyn 190 myńǵa jýyq qonaqty qabyldaidy, bul jalpy kelýshilerdiń shamamen 20%-yn quraidy.
