ShQO-ǵa VIII qysqy Aziada oiyndarynyń kúmis jáne qola medal júldegerleri Sergei Cherepanov pen Elena Kolomina keldi. Japoniianyń Sapporo qalasynda ótken saiysta jaqsy nátijege qol jetkizip, júldeli qaitqan sportshylardy shyǵys jurty qushaq jaia qarsy aldy.
Aita ketsek, atalmysh oiyndarǵa el quramasynyń qataryna Shyǵys Qazaqstannan 6 sport túri boiynsha 22 sportshy attanǵan.
– Árdaiym qoldaý bildirip otyrǵan qazaqstandyq jankúierlerge aitar alǵysym sheksiz. Oiyn barysy óte qiyn boldy. Aýa-raiy da qolaily boldy dep aita almaimyn, – dedi Sergei Cherepanov.
Shyǵys Qazaqstannan attanǵan Sergei Cherepanov eki kúmis medal ielense, Elena Kolomina eki kúmis jáne bir qola medal enshilegen. Degenmen sportshylar maýsym sońyna deiin taǵy birer saiysqa qatysatyndyqtaryn jetkizdi.
