Shyǵystaǵy «nurotandyqtar» Aiagózge qaiyrymdylyq kómegin jóneltti
– Biz oblysymyzdaǵy birqatar mekemege úndeý tastaǵanbyz. Qol ushyn sozýdan eshqaisysy bas tartpady. Gýmanitarlyq beketterge kelip túsken zattardy myna turǵan «KamAZ» kóligine artyp qoidyq. Jolǵa shyqqaly tur. Qiyndyq shegip jatqan aǵaiynǵa bul az da bolsa septigin tigizedi dep senemiz. Munda 10 tonna azyq-túlik pen 15 tonna qurylys materialdary jáne kiim-keshek bar, – dedi «Nur Otan» partiiasy oblystyq filialy tóraǵasynyń birinshi orynbasary Ánýarbek Muhtarhanov.
Ánýarbek Muhtarhanovtyń aitýynsha, kómek kórsetýdiń bas-aiaǵy bul emes, osy ýaqytqa deiin de aiagózdikterge un, kartop, mai, makaron ónimderi jáne basqa da qajetti dúnieler jiberilgen eken.
– Aiagózdegi jaǵdaiǵa shynaiy alańdap, kómegin aiamaǵan azamattar men mekemelerge alǵys aitýdyń reti kelgen sekildi. Oblystyq jáne qalalyq máslihat depýtattary: Luqbek Tumashinov, Erjan Nurbaev, Áliia Dosybaeva, Seiiljan Sailaýbaevqa, sondai-aq «Marat M», «Shyǵysagroholding», «Ksedo», «Vostok-Moloko» syndy birneshe seriktestikke myń da bir alǵys, – dedi Ánýarbek Muhtarhanov. – Shynyn aitsaq, Aiagózden ózge óńirlerdiń de jaǵdaiy sonshalyqty máz emes, soǵan qaramastan Katonqaraǵai, Shemonaiha, Abai, Glýbokoe siiaqty aýdandar men Semei, Ridder qalalary kómek kórsetip jatyr.
Osy oraida aita keteiik, «Nur Otan» partiiasynyń Pavlodar, Qyzylorda, Aqtóbe, Atyraý, Batys Qazaqstan oblystaryndaǵy filialdary da Aiagózge kómek kerýenin jóneltkeli jatyr eken.
Tasqyn BOLATULY
https://dalanews.kz/35221
