Shyǵysta zańsyz jolmen altyn óndirgender ustaldy. Bul týraly QMA málimdedi, dep habarlaidy Dalanews.kz.
Shyǵys Qazaqstan oblysy Shybyndy ózeniniń ańǵarynda baǵaly metaldardy zańsyz óndirý jáne jer qoinaýyn óz betinshe paidalaný deregi anyqtaldy.
Kúdiktiler zańnama talaptaryn buzyp, eki jyl boiy litsenziiasyz ózen arnasyn ózgertip, zańsyz altyn óndirgen.
"Ken óndirýde aýyr arnaiy tehnika men kendi qaita óńdeýge arnalǵan jabdyq qoldanylǵan. JShS-nyń zańsyz qyzmeti saldarynan keltirilgen ekologiialyq zalal 300 million teńgeden asty. Tintý barysynda quny 382 million teńge turatyn 6 keli altyn tárkilendi", - dep jazylǵan habarlamada.
Uiymdastyrýshy eki ai merzimge qamaýǵa alyndy. Tergeý jalǵasyp jatyr.
