Kelesi jyly Óskemende tolyq aınalymdaǵy kólik zaýyty men oǵan avtoqosalqylardy shyǵarýshy tehnoparkty iske qosý josparlanyp otyr. Jańa óndiris oshaǵy 4 myń azamatqa jumys beredi. Respýblıkalyq deńgeıge shyqqan jobalardyń qataryndaǵy Aqtoǵaı taý-ken baıytý kombınaty da bar. Qazaqstannyń iri ındýstrıaldy qurylysynyń birine aınalǵan kásiporyn 1500 adamdy eńbekpen qamtyp otyr. Aımaqta 2010 jyldan bastap jalpy quny 574 mlrd. teńge bolatyn 45 joba júzege asyryldy. Máselen, bıyl mamyrda Zaısan aýdanyndaǵy sharýa qojalyqtardyń biri shaǵyn et kombınatyn ashty.
– Jobanyń quny 150 mln. teńge. Búginde iri qara jáne usaq mal soıý jumystary bastaldy. Jyl sońyna deıin 300 bas iri qara soıylyp, 98 paıyz qýatqa kóshý josparlanyp otyr, - dedi kásipkerlik jáne ındýstrıaldy-ınnovasıalyq damý basqarmasy basshysy Maqsat Músápirbekov oblystyq ákimdik otyrysynda. – Jalpy MIIDB aıasynda júzege asqan 35 joba 1-qazanda tolyq 100 paıyzdyq qýat kúshine kóshken.
2020 jylǵa deıin memlekettik ındýstrıaldy-ınnovasıalyq damý baǵdarlamasy aıasynda 393,4 mlrd. teńge ınvestısıasy bar 11,3 myń jumys ornyn qamtıtyn 34 jobany iske asyrý josparlanýda.
SHQO ákiminiń baspasóz qyzmeti
