كەلەسى جىلى وسكەمەندە تولىق اينالىمداعى كولىك زاۋىتى مەن وعان اۆتوقوسالقىلاردى شىعارۋشى تەحنوپاركتى ىسكە قوسۋ جوسپارلانىپ وتىر. جاڭا ءوندىرىس وشاعى 4 مىڭ ازاماتقا جۇمىس بەرەدى. رەسپۋبليكالىق دەڭگەيگە شىققان جوبالاردىڭ قاتارىنداعى اقتوعاي تاۋ-كەن بايىتۋ كومبيناتى دا بار. قازاقستاننىڭ ءىرى يندۋستريالدى قۇرىلىسىنىڭ بىرىنە اينالعان كاسىپورىن 1500 ادامدى ەڭبەكپەن قامتىپ وتىر. ايماقتا 2010 جىلدان باستاپ جالپى قۇنى 574 ملرد. تەڭگە بولاتىن 45 جوبا جۇزەگە اسىرىلدى. ماسەلەن، بيىل مامىردا زايسان اۋدانىنداعى شارۋا قوجالىقتاردىڭ ءبىرى شاعىن ەت كومبيناتىن اشتى.
– جوبانىڭ قۇنى 150 ملن. تەڭگە. بۇگىندە ءىرى قارا جانە ۇساق مال سويۋ جۇمىستارى باستالدى. جىل سوڭىنا دەيىن 300 باس ءىرى قارا سويىلىپ، 98 پايىز قۋاتقا كوشۋ جوسپارلانىپ وتىر، - دەدى كاسىپكەرلىك جانە يندۋستريالدى-يننوۆاسيالىق دامۋ باسقارماسى باسشىسى ماقسات مۇساپىربەكوۆ وبلىستىق اكىمدىك وتىرىسىندا. – جالپى مييدب اياسىندا جۇزەگە اسقان 35 جوبا 1-قازاندا تولىق 100 پايىزدىق قۋات كۇشىنە كوشكەن.
2020 جىلعا دەيىن مەملەكەتتىك يندۋستريالدى-يننوۆاسيالىق دامۋ باعدارلاماسى اياسىندا 393،4 ملرد. تەڭگە ينۆەستيسياسى بار 11،3 مىڭ جۇمىس ورنىن قامتيتىن 34 جوبانى ىسكە اسىرۋ جوسپارلانۋدا.
شقو اكىمىنىڭ باسپا ءسوز قىزمەتى
