"Kóptildilik zaman talaby. Al joǵary bilim alý úshin óziń unatqan mamandyqty tańdaý asa mańyzdy. Durys mamandyqty tańdaý búgingi tolqynnyń arasyndaǵy qabilettilikti arttyrýdyń birden-bir joly", – deıdi Ahmetov.
Bilimdi, sanaly urpaq tárbıeleýde ustazdardyń orny erekshe. Bilikti ustaz bilimdi shákirt tárbıeleıdi.
Al úshtildilik baǵdarlamasy aıasynda oblysta 3,5 myń til mamany biliktilikti arttyrý kýrsynan ótken.
Qazaq jáne aǵylshyn tilderinde jaryq kórgen 450 myńnan astam jańa oqýlyqtar satyp alynǵan.
"Nátıjesinde pedagogtardyń ádistemelik quraldy meńgerý deńgeıi 14%-dan 80%-ǵadeıin ósti. Al bilim sapasy 20%-ǵa artty.
Bıyl kóptildilikti damytý baǵdarlamasy aıasynda fransýz jáne nemis tilderin oqytý qolǵa alyndy. Aldaǵy úsh jyl ishinde 3,7 myń muǵalim biliktiligin arttyrady", – dedi SHQO ákimi.
Al robot tehnıka, mehatronıka jáne programmalaý pánderinen sabaq berý úshin 1127 muǵalim “İT maman” kýrsynan ótken. Bul óz kezeginde jaratylystaný jáne ǵylymı baǵytaǵy bilim kórsetkishin 44%-ten 66%-ke arttyrýǵa múmkindik berdi.
"Aýyl men qaladaǵy bilim sapasynyń kórsetkishin teńestirýge kúsh salýymyz kerek. Aýyl balalarynyń barlyǵy İT baǵdarlamalardy meńgerýge qol jetkizdi, – dedi Danıal Ahmetov QR Ortalyq komýnıkasıalar qyzmetinde ótken brıfıńte.
