At jarysy úshkindik "Tuǵyry biik Tarbaǵatai" óner men sport festivali aiasynda ótti.
Tańǵy saǵat 4-te 140 shaqyrymǵa arnalǵan at báigesi bastaldy.
Qazaqstannyń ár aimaǵynan kelgen 106 shabandoz Kókpekti aýylynan Aqsýat aýylyna deiin báigege tústi. Jarystyń shynaiy ári ádil ótýin qamtamasyz etý maqsatynda jylqylar GPS júiesimen qamtamasyz etildi.
Qazaq kúresinen Halyqaralyq federatsiiasynyń vitse-prezidenti Batyrhan Qamynhanulynyń málimdeýinshe, bul elimizde osyndai qashyqtyqta ótkizilip otyrǵan tuńǵysh báige.
- At jarysy Elbasynyń " Uly dalanyń jeti qyry" maqalasy aiasynda at jarysy men atbegilikti jandandandyrý maqsatynda ótkizilip otyr. Búgin Shabandozdar úshin úlken mereke boldy. Jylqylar uzyn qashyqtyqta joǵary shydamdylyqtaryn kórsetip, ulttyq salt-dástúrimizdi dáriptei tústik,-dedi Batyrhan Qamynhanuly.
Shabandozdar 8 saǵattan astam jol júrip ótti. Úlken jarystyń jeńimpazy Kókpekti aýdanynyń turǵyny Rýslan Shaiargazin atandy.
- Búgin úlken jarys boldy. Jol júrý barysynda qiyndyqtar boldy. Biraq attarymyz shydamdylyq tanytyp, birneshe márte demalyp, aqtyq márege birinshi jettik. Astymdaǵy tulparymnyń jaǵdaiyn udaiy baqylap, tózimdiliginiń nátijesinde jeńimpaz atandyq,- dedi qýanyshyn jasyra almaǵan shabandoz.
Bul kún qazaqstandyq at sporty tarihyna eneri sózsiz.
Uiymdastyrýshylar komitetiniń ókili, oblystyq deneshynyqtyrý jáne sport basqarmasynyń basshysy Denis Rypakov:
-Elimizdiń Shyǵysynda halyqaralyq báigeniń ótýi-qazaqstandyq at sportynda aitýly oqiǵa. Jarysqa arnaiy daiyndalǵan júirikter qatysyp, marafondyq shydamdylyq tanytty. Bunyń barlyǵy úlken tabandy eńbek.
Aldaǵy ýaqytta bul báige túrin ótkizýdi dástúrge ainaldyrmaqpyz. Qatysýshylar tizimi de keńeietin bolady, - dedi.
Sonymen qatar festival aiasynda ár qashyqtyqta tai jarysy, jorǵa jyrysy, tai báige jáne alaman báige ótti.
Jarqyn Sálenuly, jýrnalist:
ShQO, Tarbaǵatai aýdanynda ulttyq bəigeniń tarihi sətine kýə boldyq.
Təýelsizdik tarihyndaǵy eń alys qashyqtyq 140 shaqyrymdyq uly alamannyń bas bəigesin Almaty oblysy Taldyqorǵan qalasynyń turǵyny Rústem Dosjanovtyń jiren tóbeli(qyz jiren) qanjyǵalap tarihqa endi. Ekinshi oryn Zaisanda ótken 130 shaqyrymdyq bəigede 2-oryn alǵan atqa buiyrdy.
Qazaqtyń jylqy tarihynyń jańa paraǵy men tynysy ashyla tústi...
[video width="720" height="1280" mp4="https://dalanews.kz/wp-content/uploads/2019/06/10000000_442499609882133_4478398151710239569_n.mp4"][/video]
