«Abai álemi» kitaptar toptamasy ádebi jobasy ShQO ákimi Danial Ahmetovtyń bastamasymen «Rýhani jańǵyrý» ulttyq baǵdarlamasy aiasynda júzege asyrylýda.
Joba ólkemizdiń ótkeni men búgini jaily qalam terbeitin jerles qalamgerlerdiń shyǵarmalaryn basyp shyǵarýǵa arnalǵan.
- Toptamanyń alǵashqy kitabynan oqyrman Abai Qunanbaiuly men Shákárim Qudaiberdiulynyń danalyǵyn sezinip, Muhtar Áýezovtyń álemge áigili «Abai joly» epopeiasynyń orys tilindegi jańa aýdarmasymen tanysady. Sondai-aq, toptamaǵa Fedor Dostoevskiidiń Semei qalasynda ómir súrgen jyldary jazǵan eńbekteri men ulttyq teatr óneriniń alǵashqy qarlyǵashy Ámire Qashaýbaevtyń 130 jyldyǵyna arnalǵan basylym da engen, - deidi kitaphana qyzmetkerleri.
Osylaisha, ár jyl saiyn respýblikamyzǵa tanymal aqyndardyń, Abaidyń 175 jyldyq mereitoiyna arnalǵan kitaptar toptamasy men shyǵys óńirinen shyqqan, esimi barsha elimizge tanymal aqyn-jazýshylardyń shyǵarmalary jaryq kórip otyrdy.
Al, biyl qazaq ádebietiniń klassigi, ǵulama ǵalym Muhtar Áýezovtyń 125 jyldyǵy syndy úlken ataýmen este qalmaq. Sondyqtan osy jylǵy kitaptar toptamasy zańǵar jazýshynyń «Qarash-qarash oqiǵasy», «Qily zaman» jáne «Kókserek» povesteri, sonymen birge Áýezovtyń oqyrmandardyń kez kelgeniniń qolyna túse bermegen jolsaparlar jazbalarynan bastaý alady.
Sondai-aq, bul jobany Ázilhan Nurshaiyqov, Talaptan Ahmetjan, Roza Muqanova, Asqar Altai, Álibek Qańtarbaev, Aiman Sháriphanova, Ǵabdýlǵaziz Esenbaev, Toqtar Maǵzumovtyń tárizdi tanymal jerles jazýshylardyń úzdik prozalyq týyndylarymen qatar aqyndar Qalqaman Sarin, Genadii Pýssep jáne Gúlnar Salyqbaidyń tańdamaly jyr kitaptary tolyqtyrǵan.
Shyǵys óńiriniń rýhani bai murasyn keńinen nasihattaityn ádebi joba kelesi jyly da jalǵasyn tappaq.
