Shyǵysta «Qazaqstan oqýshysy – 2017» velojarysy aiaqtaldy
Tamyzdyń 5-13 aralyǵynda ótken velojarys bastalmas buryn ShQO ákimi Danial Ahmetov sportshylarmen birge 25 km qashyqtyqty júrip ótip, jarys trassasyna oń baǵasyn bergen.
Birneshe aimaqtan jáne Ózbekstannan jalpy sany 134 sportshy qatysqan kópkúndikte ozyp shyqqan jeńimpazdardy «Nurly Jol» saiabaǵynda ShQO ákiminiń orynbasary Ásem Núsipova marapattady.
– «Qazaqstan oqýshysy» velojarysy Olimpiada chempiony Aleksandr Vinokýrov syndy birqatar tanymal veloshabandozdardyń qatysqan jarysy. Aldaǵy ýaqytta sizder de álemdik dodalarda el namysyn qorǵap, kók týymyzdy jelbiretesizder degen úmittemiz. Jastardyń sportqa qatysyp, velosiped sportyna qyzyǵýshylardyń qarasy jyldan-jylǵa ósip kele jatqandyǵy kóńilge qýanysh uialatady. Sizderge bolashaqta zor tabys pen jetistikter tileimin, – dedi Ásem Núsipova.
Jarys qorytyndysy boiynsha jekelei esepte jambyldyq sportshy Roman Djordjini birinshi, almatylyq Kirill Demianov ekinshi jáne Soltústik Qazaqstan oblysynyń veloshabandozy Ilia Kochetkov úshinshi oryn ielendi. Al komandalyq esepte I oryndy Almaty qalasynyń veloklýby alsa, Ózbekstan Respýblikasynan kelgen komanda II oryn ielendi. Al úshinshi oryn Jambyl oblysy sportshylarynyń qanjyǵasynda.
Uiymdastyrýshylardyń aitýynsha, osyndai sharalar sportshylardy sportty damytýǵa shaqyryp qana qoimai, aimaqtyń kórikti tabiǵatymen tanystyrdy. Bul óz kezeginde Elbasy Nursultan Nazarbaevtyń «Rýhani jańǵyrý» baǵdarlamasyn iske asyrýdaǵy basty tetikterdiń biri.
Aita ketsek, 1970 jyly QR Eńbek sińirgen jattyqtyrýshysy Aleksandr Antyshevtyń bastamasymen atalmysh jarys alǵash ret ótkizilip, dástúrge ainalady. Biraq 1999 jyly oiyn qarqyny tómendep, jarys jabylýdyń aldynda qalǵandyqtan Aleksandr Antyshev sol ýaqytta Premer-ministr orynbasary qyzmetin atqarǵan Danial Ahmetovten kómek surap, velojarysty ótkizetin birneshe aimaqty usynǵan. Artynsha velojarys Shyǵys Qazaqstan oblysynda ótkiziletin bolyp sheshim qabyldanǵan.
https://dalanews.kz/19435
