شىعىستا «قازاقستان وقۋشىسى – 2017» ۆەلوجارىسى اياقتالدى
تامىزدىڭ 5-13 ارالىعىندا ٶتكەن ۆەلوجارىس باستالماس بۇرىن شقو ەكٸمٸ دانيال احمەتوۆ سپورتشىلارمەن بٸرگە 25 كم قاشىقتىقتى جٷرٸپ ٶتٸپ, جارىس تراسساسىنا وڭ باعاسىن بەرگەن.
بٸرنەشە ايماقتان جەنە ٶزبەكستاننان جالپى سانى 134 سپورتشى قاتىسقان كٶپكٷندٸكتە وزىپ شىققان جەڭٸمپازداردى «نۇرلى جول» ساياباعىندا شقو ەكٸمٸنٸڭ ورىنباسارى ەسەم نٷسٸپوۆا ماراپاتتادى.
– «قازاقستان وقۋشىسى» ۆەلوجارىسى وليمپيادا چەمپيونى الەكساندر ۆينوكۋروۆ سىندى بٸرقاتار تانىمال ۆەلوشاباندوزداردىڭ قاتىسقان جارىسى. الداعى ۋاقىتتا سٸزدەر دە ەلەمدٸك دودالاردا ەل نامىسىن قورعاپ, كٶك تۋىمىزدى جەلبٸرەتەسٸزدەر دەگەن ٷمٸتتەمٸز. جاستاردىڭ سپورتقا قاتىسىپ, ۆەلوسيپەد سپورتىنا قىزىعۋشىلاردىڭ قاراسى جىلدان-جىلعا ٶسٸپ كەلە جاتقاندىعى كٶڭٸلگە قۋانىش ۇيالاتادى. سٸزدەرگە بولاشاقتا زور تابىس پەن جەتٸستٸكتەر تٸلەيمٸن, – دەدٸ ەسەم نٷسٸپوۆا.
جارىس قورىتىندىسى بويىنشا جەكەلەي ەسەپتە جامبىلدىق سپورتشى رومان دجوردجيني بٸرٸنشٸ, الماتىلىق كيريلل دەميانوۆ ەكٸنشٸ جەنە سولتٷستٸك قازاقستان وبلىسىنىڭ ۆەلوشاباندوزى يليا كوچەتكوۆ ٷشٸنشٸ ورىن يەلەندٸ. ال كوماندالىق ەسەپتە ٸ ورىندى الماتى قالاسىنىڭ ۆەلوكلۋبى السا, ٶزبەكستان رەسپۋبليكاسىنان كەلگەن كوماندا ٸٸ ورىن يەلەندٸ. ال ٷشٸنشٸ ورىن جامبىل وبلىسى سپورتشىلارىنىڭ قانجىعاسىندا.
ۇيىمداستىرۋشىلاردىڭ ايتۋىنشا, وسىنداي شارالار سپورتشىلاردى سپورتتى دامىتۋعا شاقىرىپ قانا قويماي, ايماقتىڭ كٶرٸكتٸ تابيعاتىمەن تانىستىردى. بۇل ٶز كەزەگٸندە ەلباسى نۇرسۇلتان نازارباەۆتىڭ «رۋحاني جاڭعىرۋ» باعدارلاماسىن ٸسكە اسىرۋداعى باستى تەتٸكتەردٸڭ بٸرٸ.
ايتا كەتسەك, 1970 جىلى قر ەڭبەك سٸڭٸرگەن جاتتىقتىرۋشىسى الەكساندر انتىشەۆتىڭ باستاماسىمەن اتالمىش جارىس العاش رەت ٶتكٸزٸلٸپ, دەستٷرگە اينالادى. بٸراق 1999 جىلى ويىن قارقىنى تٶمەندەپ, جارىس جابىلۋدىڭ الدىندا قالعاندىقتان الەكساندر انتىشەۆ سول ۋاقىتتا پرەمەر-مينيستر ورىنباسارى قىزمەتٸن اتقارعان دانيال احمەتوۆتەن كٶمەك سۇراپ, ۆەلوجارىستى ٶتكٸزەتٸن بٸرنەشە ايماقتى ۇسىنعان. ارتىنشا ۆەلوجارىس شىعىس قازاقستان وبلىسىندا ٶتكٸزٸلەتٸن بولىپ شەشٸم قابىلدانعان.
https://dalanews.kz/19435
