Maqsat – dári-dármek tapshylyǵyn joıý jáne medısınalyq preparattardyń qunyn negizsiz ósirýge jol bermeý. Mundaı shara aýdandarda da qolǵa alyndy. Mamandar kúndelikti dárihanalardy tekserip, turǵyndardyń usynys-tilekterin nazarǵa alady. Kúrmeýli máseleler quzyrly organdarǵa joldanady.
Tekserýshi top kúnine 10-ǵa jýyq nysanǵa baryp, talaptardyń saqtalýy men em-dom preparattar qoryn tekseredi. Top músheleriniń aıtýynsha, zań boıynsha dárihanalardyń dári-dármektiń baǵasyn ruqsat etilgen baǵadan joǵary qoıýǵa quqyǵy joq bolsa da, birqatar dárihanalarǵa turǵyndardyń shaǵymdary túsken. Sonymen qatar, dári-dármek satyp alý kezinde chek berilmeıtindigi de aıtylǵan.
Jumysshy top qaladaǵy 1 dárihanada keıde chek berse, keıde bermeıtindigine kóz jetkizip, qyzmetkerlerine túsindirý júrgizdi. Sondaı-aq, reıd barysynda turǵyndardy jalǵan jarnamalarǵa aldanyp qalmaýǵa, tek dárihanalardan, medısına qyzmetkeriniń resepti boıynsha alýǵa shaqyrdy.
Sonymen qatar, shekti baǵany kez kelgen azamat androıd jelisinde «dariKZ» mobıldi qosymshasyn júkteý arqyly bólshek saýdada satylatyn nemese bosatylatyn dárilik zattardyń shekti baǵasyn baqylaýǵa múmkindigi bar. Eger baǵa shekti somadan asyp ketse, túbirtegin alyp, zań aıasynda aryzdanýǵa bolady.
Jalpy, qajetti preparattar men jeke qorǵanys zattary qaladaǵy barlyq dárihanalarda satylymda bar. Sonymen qatar, qalalyq medısınalyq mekemeler qajetti dári-dármektermen qamtamasyz etilgen.
Aıta keteıik, joǵaryda kórsetilgen máseleler boıynsha aýdıo, beıne jazbalaryńyz ben usynys, shaǵymdaryńyzdy 8702 000 24 94 jáne 8775 306 78 50 WhatsApp nómirlerine dárihana ataýyn kórsete otyryp joldaı alasyzdar.
