ماقسات – دەرٸ-دەرمەك تاپشىلىعىن جويۋ جەنە مەديتسينالىق پرەپاراتتاردىڭ قۇنىن نەگٸزسٸز ٶسٸرۋگە جول بەرمەۋ. مۇنداي شارا اۋدانداردا دا قولعا الىندى. ماماندار كٷندەلٸكتٸ دەرٸحانالاردى تەكسەرٸپ, تۇرعىنداردىڭ ۇسىنىس-تٸلەكتەرٸن نازارعا الادى. كٷرمەۋلٸ مەسەلەلەر قۇزىرلى ورگاندارعا جولدانادى.
تەكسەرۋشٸ توپ كٷنٸنە 10-عا جۋىق نىسانعا بارىپ, تالاپتاردىڭ ساقتالۋى مەن ەم-دوم پرەپاراتتار قورىن تەكسەرەدٸ. توپ مٷشەلەرٸنٸڭ ايتۋىنشا, زاڭ بويىنشا دەرٸحانالاردىڭ دەرٸ-دەرمەكتٸڭ باعاسىن رۇقسات ەتٸلگەن باعادان جوعارى قويۋعا قۇقىعى جوق بولسا دا, بٸرقاتار دەرٸحانالارعا تۇرعىنداردىڭ شاعىمدارى تٷسكەن. سونىمەن قاتار, دەرٸ-دەرمەك ساتىپ الۋ كەزٸندە چەك بەرٸلمەيتٸندٸگٸ دە ايتىلعان.
جۇمىسشى توپ قالاداعى 1 دەرٸحانادا كەيدە چەك بەرسە, كەيدە بەرمەيتٸندٸگٸنە كٶز جەتكٸزٸپ, قىزمەتكەرلەرٸنە تٷسٸندٸرۋ جٷرگٸزدٸ. سونداي-اق, رەيد بارىسىندا تۇرعىنداردى جالعان جارنامالارعا الدانىپ قالماۋعا, تەك دەرٸحانالاردان, مەديتسينا قىزمەتكەرٸنٸڭ رەتسەپتٸ بويىنشا الۋعا شاقىردى.
سونىمەن قاتار, شەكتٸ باعانى كەز كەلگەن ازامات اندرويد جەلٸسٸندە «dariKZ» موبيلدٸ قوسىمشاسىن جٷكتەۋ ارقىلى بٶلشەك ساۋدادا ساتىلاتىن نەمەسە بوساتىلاتىن دەرٸلٸك زاتتاردىڭ شەكتٸ باعاسىن باقىلاۋعا مٷمكٸندٸگٸ بار. ەگەر باعا شەكتٸ سومادان اسىپ كەتسە, تٷبٸرتەگٸن الىپ, زاڭ اياسىندا ارىزدانۋعا بولادى.
جالپى, قاجەتتٸ پرەپاراتتار مەن جەكە قورعانىس زاتتارى قالاداعى بارلىق دەرٸحانالاردا ساتىلىمدا بار. سونىمەن قاتار, قالالىق مەديتسينالىق مەكەمەلەر قاجەتتٸ دەرٸ-دەرمەكتەرمەن قامتاماسىز ەتٸلگەن.
ايتا كەتەيٸك, جوعارىدا كٶرسەتٸلگەن مەسەلەلەر بويىنشا اۋديو, بەينە جازبالارىڭىز بەن ۇسىنىس, شاعىمدارىڭىزدى 8702 000 24 94 جەنە 8775 306 78 50 WhatsApp نٶمٸرلەرٸنە دەرٸحانا اتاۋىن كٶرسەتە وتىرىپ جولداي الاسىزدار.
