Sonyń biri – «Abai álemi» jobasy. Bul joba boiynsha Semei qalasynda «Abai álemi» kitaptar seriiasynyń tusaýy kesildi.
Oblys ákimi D.Ahmetovtiń uiytqy bolýymen, qalamger Medeý Sársekeniń redaktorlyǵymen júzege asqan joba aiasynda hákim Abai, Shákárim, Muhtar Áýezov, Marat Qabanbai, Fedor Dostoevskii, Tóleý Kóbdikov, Anatolii Ivanov, Boris Sherbakov, Jarqyn Shákárim syndy avtorlardyń 16 kitaby oqyrmanǵa jol tartty.
Abai Qunanbaiulynyń 175 jyldyǵyna orai Uly aqynnyń taǵy birqatar kitaptary qaita basyp shyǵarylyp, kitap sórelerin toltyrmaq.
"Abai álemi" kitap seriiasynyń redaktsiia alqasy músheleri: "Joba aiasynda jaryq kórgen qundy týyndynyń biri ónertanýshy Jarqyn Shákárimniń áigili ánshi Ámire Qashaýbaev týraly eńbegi" deidi.
Kelesi jyly osy seriia aiasynda taǵy da 20 kitap shyǵarý josparda bar.
Odan keiin atap ótetin taǵy bir aýqymdy joba – «Meniń mektebim» jobasy. Bul joba 2017 jyldan bastap oblys mektepterinde júzege asyrylyp keledi.
Aimaqtaǵy 277 mekteptegi 476 himiia, biologiia, fizika, robotehnika kabinetteri Nazarbaev intellektýaldy mektebi úlgisinde zamanaýi úlgige sáikestendirilip, qaita jabdyqtalýda. «Meniń mektebim» aktsiiasy aiasynda 600 oqytýshy qaita oqytýdan ótti.
Olar robotehnikanyń qyr-syryn meńgerip úirendi. Osy maqsattarǵa oblystyq biýdjetten 60 mln teńge qarjy bólindi.
Osy rette QR Aqparat jáne qoǵamdyq damý vitse-ministri Daniiar Esin Úkimettik top quramynda oblysqa jasaǵan jumys sapary barysynda "Rýhani jańǵyrý" óńirlik ortalyǵyna kelip, jumys barysymen tanysty.
Ortalyq basshysy Mádeniet Ahmetova vitse-ministrdi "Rýhani jańǵyrý" baǵdarlamasy aiasynda oblysta júzege asyrylyp jatqan jobalarmen tanystyryp ótti.
D.Esin ortalyq jumysyna oń baǵa berip, oblys ákimi Danial Ahmetovtyń bastamasymen júzege asyrylǵan "Meniń mektebim" jobasynyń utymdy bolǵanyn, sondyqtan mundai jobalardy áli de nasihattaý kerektigin aitty.
Jalpy, Shyǵys Qazaqstanda «Rýhani jańǵyrý» baǵdarlamasy boiynsha mádeniet, ádebiet, áleýmet jáne bilim salasyna bailanysty 30-ǵa jýyq iri joba júzege asyrylýda. Aldaǵy ýaqytta olardyń qatary artyp, tyń ideialar bastamasy qolǵa alynbaq.
Ásem Jumaǵaliqyzy,
Óskemen
