Shyǵys Qazaqstan oblysynda jasóspirimderdi, júkti jáne bala emizetin analardy vaksınasıalaý qarasha aıynyń basynan bastap júzege asa bastaǵan-dy. Oblystaǵy osy sanatqa jatatyn turǵyndar vaksına alý isine jaýapkershilikpen qarap, óz erikterimen ekpe alyp jatqanyn SHQO Sanıtarıa-epıdemıologıalyq qadaǵalaý departamentiniń basshysynyń orynbasary Ǵalymbek Alın Aımaqtyq komýnıkasıalar ortalyǵynda ótken baspasóz máslıhatynda aıtty, – dep habarlaıdy Dalanews.kz.

Dúnıejúzi densaýlyq saqtaý uıymy jasósipirmder men júkti jáne sábıi bar analardy Pfizer vaksınasyn egýdi usynǵan bolatyn. Búginde Izraıl, Fransıa, Italıa, Ispanıa, Germanıa, Brazılıa, Qytaı, Shvesıa, Ulybrıtanıa, AQSH jáne Argentına syndy damyǵan elder jas jetkinshekter men analarǵa Pfizer vaksınasy salyp jatqany belgili.

Shyǵys Qazaqstan oblysynda vaksınasıalaý jumysy qalaı júrip jatqany jaıynda keń kólemde málimet bergen Ǵalymbek Alın qazirgi tańda oblysta Pfizer vaksınasyn 37 700-den astam qabyldaǵanyn alǵa tartty. Ekpe saldyrǵandardyń 34,5 myń jasóspirimder qurasa, 700-i júkiti áıelder, 2,5 myńy sábıli analar ekenin aıtty.

Ǵalymbek Alın dárigerler ekpe saldyrýǵa kelgen kez kelgen adamnyń dene qyzýyn ólshep, qan qysymyn tekseretinin aıtty. Eger pasıentte qandaıda bir jaǵdaılar anyqtalyp, ekpege qarsy alergıasy bolsa, ekpe salýǵa jiberilmeıtinin jetkizdi. Budan basqa jasósipirmderge ata-analarynyń jazbasha ruqsat bergen kezde ǵana ekpe salynatyny aıtty.

Qazirgi tańda Shyǵys Qazaqstan oblysy aýmaǵynda 253 ekpe salý pýnkteri jumys isteıdi. Óskemen qalasynda ana men bala ortalyǵynda ornalasqan pýnkte osyǵan deıin 12 men 17 jas aralyǵyndaǵy 250 bala ekpe qabyldap úlgeripti. Dárgerler óz eriktermien vaksına alyp, indettiń taralýyna tosqaýyl qoıýǵa úles qosyp jatqan azamattardyń qabyldaǵan sheshimi oryndy ekenin aıtýda.