Dárigerlerden, partiia ókilderi men eriktilerden qurylǵan top músheleri bes myńnan astam aimaq turǵyndary arasynda saýalnama júrgizip, ózekti suraqtarǵa da jaýap berdi.
Sáýir aiymen salystyrǵanda, búgingi kúni koronavirýs indetiniń taralýy men onyń asa qaýiptiligine turǵyndar tolyqtai kóz jetkizgeni baiqalady. Tek birneshe aýdanda ǵana áli de bul aýrýdyń joq ekenin rastaityn azamattar tabyldy. Ol Jarma (200 adam "joq" dep jaýap berdi), Shemonaiha (69 adam) jáne Besqaraǵai (46 adam) aýdandarynda teris jaýap bergender basym boldy.
Aita ketsek, atalmysh aýdandarda indettiń taralý faktileri men naýqastar sany artyp keledi. Al qala turǵyndary bul indettiń qaýipti ekenin tolyqtai túsinedi.
Qazir aqparattyq-túsindirý tobynyń aldynda birneshe basty mindet tur. Ol koronavirýstyń simptomdaryn tapsa ne isteý kerektigi týraly tolyq málimet berý, meditsina qyzmetkerleriniń distantsiialyq rejimde qalai jumys isteitinin túsindirý, ózin-ózi emdeý qaýpi týraly aqparat berý, dári-dármekterdi oilanbai satyp alýdyń qajeti joq ekenine nazar aýdarý.
Saýalnama kórsetkendei, adamdar emdeý algoritmi týraly aqparatpen tolyq qamtylmaǵan. Saýalnamaǵa qatysqandardyń 4490-y bilse, 900-den astamy beihabar. Osy rette túsindirý toby barlyq aýdandarda óz jumysyn jalǵastyratyn bolady. Óitkeni kóptegen emhanalar men dárigerler onlain rejimine aýystyrylǵan, iaǵni tikelei keńes alý múmkindigi joq. Naýqastar sanyn azaityp, indettiń taralýyna tosqaýyl qoiýǵa baǵyttalǵan bul jumys operativti túrde barlyq aýdandarda júrgizilmek.
Saýalnama nátijesi kórsetkendei, oblys turǵyndary barlyq sanitarlyq-epidemiologiialyq men shekteý sharalaryn saqtaidy, maskalar kiedi, ózdiginen oqshaýlanyp, qajetsiz úiden shyqpaidy, dúkenge nemese dárihanaǵa barý kezinde áleýmettik qashyqtyqty saqtaidy eken (4586 saqtaidy, 398-joq).
Qaýipsizdik sharalaryn elemeitin qala turǵyndary is júzinde joq, óitkeni adamdar koronavirýstyq infektsiianyń taralý qaýpi úlken ekenin túsinedi.
Sonymen qatar, saýalnama barysynda shyǵysqazaqstandyqtar ózderin jáne jaqyndaryn qalai qorǵaý kerektigi týraly biletinderi anyqtaldy.
Aqparattyq top tumaý men koronavirýs belgileri týyndaǵan kezde emdeýdiń sharttarymen túsindirip ótti. Jalpy, óńirde juqpaly, kerek dári-dármekter men qural-jabdyqtarmen qamtamasyz etý, sondai-aq tynys alý apparattarynyń jetispeýshiligin boldyrmaý úshin barlyq sharalar qabyldandy. Aldaǵy ýaqytta top jumysy aýdandarda da jalǵasatyn bolady
