Shyǵysqazaqstandyqtar jemqorlyqqa qarsy
Mańyzdy shara barysynda qoǵamdyq ómirimizde sybailas jemqorlyqtyń qalai qalyptasatyny jáne oǵan qarsy bastamalardy qoǵamdy qalai tartýdyń joldary sóz boldy.
Shyǵys Qazaqstan oblysynda sybailas jemqorlyqqa qarsy kúresti kúsheitý baǵytynda jergilikti BAQ ókilderinen turatyn azamattyq belsendi top qalyptasqan-dy. Búginde osy top músheleri jemisti jumys istep, óńirdegi sybailas jemqorlyqqa qarsy kúrestiń boiyna qan júgirtip otyrǵanyn aita ketýimiz kerek.
Jýrnalister qaýymynan quralǵan bul top oblys turǵyndarynmen qoian-qoltyq jumys istep, jemqorlyq qoǵamnyń ózegine túsken qurt ekenin jan-jaqty túsindirip, tiimdi úgit-nasihat jumystaryn júrgizip keledi. Qazirgi tańda toptyń túrli áleýmettik jelilerde zań buzýshylyqtar men biýdjet qarjysyn jymqyrý oqiǵalardy áshkerelerip, jemqorlyqpen belsendi jumys júrgizýde.
Sonymen qatar bul top óńirdegi memlekettik sybailas jemqorlyqqa qarsy is-sharalarynyń tiimdi iske asýyna monitoring júrgizip, barmaq basty, kóz qysty oqiǵalardy jolyn kesýge qatysty halyqtyń usynys-pikirlerin jinaqtap, jemqorlyqpen júieli kúresýdiń joldaryn taldap, tarazylap otyr.
– Oblysta boi kóterip jatqan áleýmettik nysandardyń qurylys jumystary sapaly, ýaqytynda aiaqtaý isi qoǵamdyq baqylaýǵa alynǵan. Osylaisha oblys turǵyndary sybailas jemqorlyqqa qarsy birlesip kúres júrgizýdiń arqasynda jaqsy ómirge tezirek qol jetkizetinin túsinip keledi, – deidi ShQO boiynsha QR Sybailas jemqorlyqqa qarsy jáne memlekettik qyzmet ister jónindegi departamenttiń basshysy Janna Qabdoldaqyzy.
