ماڭىزدى شارا بارىسىندا قوعامدىق ومىرىمىزدە سىبايلاس جەمقورلىقتىڭ قالاي قالىپتاساتىنى جانە وعان قارسى باستامالاردى قوعامدى قالاي تارتۋدىڭ جولدارى ءسوز بولدى.
شىعىس قازاقستان وبلىسىندا سىبايلاس جەمقورلىققا قارسى كۇرەستى كۇشەيتۋ باعىتىندا جەرگىلىكتى ب ا ق وكىلدەرىنەن تۇراتىن ازاماتتىق بەلسەندى توپ قالىپتاسقان-دى. بۇگىندە وسى توپ مۇشەلەرى جەمىستى جۇمىس ىستەپ، وڭىردەگى سىبايلاس جەمقورلىققا قارسى كۇرەستىڭ بويىنا قان جۇگىرتىپ وتىرعانىن ايتا كەتۋىمىز كەرەك.
جۋرناليستەر قاۋىمىنان قۇرالعان بۇل توپ وبلىس تۇرعىندارىنمەن قويان-قولتىق جۇمىس ىستەپ، جەمقورلىق قوعامنىڭ وزەگىنە تۇسكەن قۇرت ەكەنىن جان-جاقتى ءتۇسىندىرىپ، ءتيىمدى ۇگىت-ناسيحات جۇمىستارىن جۇرگىزىپ كەلەدى. قازىرگى تاڭدا توپتىڭ ءتۇرلى الەۋمەتتىك جەلىلەردە زاڭ بۇزۋشىلىقتار مەن بيۋدجەت قارجىسىن جىمقىرۋ وقيعالاردى اشكەرەلەرىپ، جەمقورلىقپەن بەلسەندى جۇمىس جۇرگىزۋدە.
سونىمەن قاتار بۇل توپ وڭىردەگى مەملەكەتتىك سىبايلاس جەمقورلىققا قارسى ءىس-شارالارىنىڭ ءتيىمدى ىسكە اسۋىنا مونيتورينگ جۇرگىزىپ، بارماق باستى، كوز قىستى وقيعالاردى جولىن كەسۋگە قاتىستى حالىقتىڭ ۇسىنىس-پىكىرلەرىن جيناقتاپ، جەمقورلىقپەن جۇيەلى كۇرەسۋدىڭ جولدارىن تالداپ، تارازىلاپ وتىر.
– وبلىستا بوي كوتەرىپ جاتقان الەۋمەتتىك نىسانداردىڭ قۇرىلىس جۇمىستارى ساپالى، ۋاقىتىندا اياقتاۋ ءىسى قوعامدىق باقىلاۋعا الىنعان. وسىلايشا وبلىس تۇرعىندارى سىبايلاس جەمقورلىققا قارسى بىرلەسىپ كۇرەس جۇرگىزۋدىڭ ارقاسىندا جاقسى ومىرگە تەزىرەك قول جەتكىزەتىنىن ءتۇسىنىپ كەلەدى، – دەيدى شقو بويىنشا ق ر سىبايلاس جەمقورلىققا قارسى جانە مەملەكەتتىك قىزمەت ىستەر جونىندەگى دەپارتامەنتتىڭ باسشىسى جاننا قابدولدا قىزى.
