Ótinim berýshilerdiń arasynda kópbalaly analardyń da úlesi joǵary ekenin aıta ketýimiz kerek. Osylaısha altyn qursaqty analar da shaǵyn bıznespen aınalysyp, turmysyn túzetýdiń mańyzy zor ekenin túsingen.
Máselen, Rıdder qalasynyń turǵyny, kópbalaly any Tatána Abashına «Bıznes keńesshi» jáne «Jas kásipker» kýrstaryn oqyp, bıznespen aınalysýdyń qyr-syryn meńgeripti. Ol kásipkerlikpen aınalysyp, otbasynyń turmysyn túzeýge bolatynan túsingennen keıin, jubaıynyń bızneske qatysty arnaıy kýrstan ótýge úgittep kóndiripti.
Qazirgi tańda otbasylyq jup memlekettiń qoldaýyna súıenip 505 myń jeńildetilgen nesıe alýǵa qujat tapsyryp, nıettenip otyrǵandaryn alǵa tartypty.
Kásipkerler palatasynyń keńsesine jasa balasyn jetekteı kelgen taǵy bir ana eger baıqaýda sátti ótip, grantqa ıe bolsa, aıaq-kıim jóndep, kilit jasaıtyn shaǵyn bıznesti bastaýdy kózdep otyrǵanyn tilge tıek etti. Osylaısha shyǵysqazaqstandyq analar 2021 jylǵa deıin qabyldanǵan «Eńbek» jappaı kásipkerlikti damytý baǵdarlamasynyń qoldaýyna súıenip shaǵyn bıznesterin ashýǵa talaptanyp otyr.
