Shyǵys Qazaqstannyń Samar aýylynda Abai eskertkishi ashyldy
Nysannyń ainalasy da abattandyrylyp, alań uly oishyldyń atymen atalǵan. Oblystyń aýdandarynan jinalǵan oqýshylar aqyn óleńderin mánerlep oqýdan saiysqa túsip, ozǵany júldeger atandy.
Samar aýyly 6 myńnan astam halqy bar irgeli eldimeken. Qazaqtan ózge de kóptegen ult pen ulys ókilderi tatý tátti turmys keship jatyr.
Al danyshpan aqynnyń 175 jyldyq mereitoiy qarsańynda turǵyndar tarihi sátke kýá boldy. Tuǵyrymen qosa eseptegende biiktigi 7 metr bolatyn eskertkishti óńirge tanymal músinshi Álibek Shoqanov jasaǵan.
Bul onyń úshinshi Abaiy.
- Turysy, onyń dene bitimi, oi, qabaǵy, oily bolyp, osynyń bárin halyqqa jetkize bilý ol óte bir talapty qajet etedi. Samal jeldiń tósinde bir óziniń oiymen turǵanyn beineledik. Bir jyldyq eńbegimizdiń jartysy osy eskiz jasaýmen, oilanýmen ótse, eki aida eskertkishti jasap shyqtyq, – deidi músinshi.
Kókpekti aýdanynyń ákimi Ashat Smailovtyń aitýynsha aýdanda «Rýhani jańǵyrý» baǵdarlamasy aiasynda 136 joba júzege asyrylyp jatyr.
– Abai babamyzdyń eskertkishiniń ashylý salatanaty sol Rýhani jańǵyrý aiasynda ótýde. Jańadan ashylǵan eskertkish aýyldyń ajaryn ashyp, jas urpaq taǵzym eter mekenge ainalady, – dedi ákim.
Aldaǵy ýaqyttyń eskertkishtiń aýmaǵy abattandyrylyp, mádeni-demalys ortalyǵyna ainalady
Shara aiasynda aýyldaǵy Mádeniet úiinde oblystyń shalǵaiy aýyldarynan kelgen jetkinshekter arasynda Abai oqýlary baiqaýy uiymdastyrylyp, kil júirikter anyqtaldy. Endi bul shara Samar aýylynda dástúrli túrde ótetin bolady.
Aýdanda jyl sońyna deiin «Rýhani jańǵyrý» baǵdarlamasy aiasynda atqarylar sharýa az emes. Kásipkerler týǵan jerdi túletýge at salyssa, mektep oqýshylary aýdannyń kieli jerlerin aralap, saiahatqa shyqpaqshy.
