Shyǵys Qazaqstanda «Qys-2021» Respýblikalyq komandalyq-shtabtyq oqý-jattyǵýy bastaldy
Oblystardyń, respýblikalyq mańyzy bar qalalardyń jáne astananyń jergilikti atqarýshy organdary – TJ aldyn alý jáne joiý jónindegi komissiialary, oblystyq, aýdandyq jáne qalalyq azamattyq qorǵaý qyzmetteri, qurylymdyq bólimsheler, QR TJM vedomstvolyq baǵynysty memlekettik mekemeleriniń kúshteri men quraldary, sondai-aq Qazaqstan Respýblikasynyń basqa da ministrlikteri men vedomstvolary qatysady. Oqý-jattyǵýdyń basshysy Qazaqstan Respýblikasy Tótenshe jaǵdailar vitse-ministri Marat Kúldikov.
Oqý-jattyǵý eki kezeńde ótedi. Birinshisi kirispe jumysyn qamtidy. ShQO TJ departamentiniń daǵdarys ortalyǵynda respýblikalyq oqý-jattyǵý shtaby ashyldy. Shtab otyrysynda jedel top basshylarynyń baiandamalary, respýblikalyq qyzmetter bastyqtarynyń esepteri tyńdaldy. Shtabtyq jattyǵý AQMJ oblystyq kishi júiesiniń basqarý organdary men kúshterin daiyndyqqa keltirý, osy jaǵdaidy basqarýdy, jinaýdy, jinaqtaýdy jáne taldaýdy uiymdastyrý, sondai-aq qysqy kúrdeli meteorologiialyq jaǵdaidyń saldaryn joiýǵa sheshim qabyldaý jáne qutqarý jáne basqa da kezek kúttirmeitin jumystardy júrgizý kezindegi ózara is-qimyl máseleleri boiynsha júieli pysyqtaýmen ótkizildi.
Jergilikti basqarý organdary, TJ jónindegi komissiia, AQ qyzmeti osy jaǵdaiǵa taldaý júrgizdi, tótenshe jaǵdailardyń týyndaý qaterin joiý boiynsha sheshimder qabyldaý jáne kúshterdiń is-qimyl nusqalaryn josparlaý úshin usynystar daiyndady.
Oqý-jattyǵýdyń birinshi kezeńi sheńberinde 11 qarashada óńirde tele-radioarnalarǵa qosylý jáne elektrosirenalardy iske qosýmen qulaqtandyrý júiesine tekserý júrgizildi.
«Qys-2021» RKShOJ ekinshi kezeńi - oqý oryndarynda avariialyq-qutqarý jumystary is júzinde pysyqtalady.
