Óskemende AvtoTsONnyń esigin eshkim buzyp kirgen joq. Áleýmettik jelilerde taratylǵan beinejazbany halyq durys túsinbei qalǵan.
Bul týraly ShQO-daǵy Memlekettik qyzmet isteri jónindegi departameni basshysynyń orynbasary Qairat Saparǵaliev málim etti.
– Qazirgi kúni oblys ortalyǵyndaǵy AvtoTsonda saǵattap kezek kútip turmaisyz. Árine, shildeniń basynda mundai oqiǵalar bolǵan. Muny jasyrmaimyz. Biraq qazir bul máseleniń bári retteldi, - deidi Qairat Saparǵaliev.
Mamandandyrylǵan qyzmet kórsetý ortalyǵynnyń júktelisin azaitý maqsatynda búginde Óskemendegi Sátpaev, Qazaqstan jáne Myza kósheleriniń boiyndaǵy HQKO-nan qosymsha "tereze" ashylypty.
Endi sol jerlerge baryp, avtokóliktiń qujattaryn tez arada rásimdeýge bolady.
Sonymen qatar, úide otyryp-aq internettiń kómegimen qujattardy alýǵa ótinish bildirip, bir saǵattan soń "avtotsonnan" daiyn qujattardy alyp ketýge bolady deidi mamandar.
