وسكەمەندە اۆتوسوننىڭ ەسىگىن ەشكىم بۇزىپ كىرگەن جوق. الەۋمەتتىك جەلىلەردە تاراتىلعان بەينەجازبانى حالىق دۇرىس تۇسىنبەي قالعان.
بۇل تۋرالى شقو-داعى مەملەكەتتىك قىزمەت ىستەرى جونىندەگى دەپارتامەنى باسشىسىنىڭ ورىنباسارى قايرات ساپارعالييەۆ ءمالىم ەتتى.
– قازىرگى كۇنى وبلىس ورتالىعىنداعى اۆتوسوندا ساعاتتاپ كەزەك كۇتىپ تۇرمايسىز. ارينە، شىلدەنىڭ باسىندا مۇنداي وقيعالار بولعان. مۇنى جاسىرمايمىز. ءبىراق ءقازىر بۇل ماسەلەنىڭ ءبارى رەتتەلدى، - دەيدى قايرات ساپارعالييەۆ.
مامانداندىرىلعان قىزمەت كورسەتۋ ورتالىعىننىڭ جۇكتەلىسىن ازايتۋ ماقساتىندا بۇگىندە وسكەمەندەگى ساتپايەۆ، قازاقستان جانە مىزا كوشەلەرىنىڭ بويىنداعى حقكو-نان قوسىمشا "تەرەزە" اشىلىپتى.
ەندى سول جەرلەرگە بارىپ، اۆتوكولىكتىڭ قۇجاتتارىن تەز ارادا راسىمدەۋگە بولادى.
سونىمەن قاتار، ۇيدە وتىرىپ-اق ينتەرنەتتىڭ كومەگىمەن قۇجاتتاردى الۋعا ءوتىنىش ءبىلدىرىپ، ءبىر ساعاتتان سوڭ "اۆتوسوننان" دايىن قۇجاتتاردى الىپ كەتۋگە بولادى دەيدى ماماندار.
